ბორჯომის ხეობაში წყალში ჩავარდნილი ვერტმფრენის ეკიპაჟის წევრების ჯანმრთელობის მდგომარეობა დამაკამაყოფილებელია.

ერთიანი ეროვნული გამოცდების საბოლოო შედეგები-ინფორმაცია ჩარიცხვისა და სახელმწიფო გრანტის მოპოვების შესახებ, დღეს გახდება ცნობილი.

საქართველოს თავისუფალი სტილით მოჭიდავეთა ეროვნული გუნდის წევრმა გენო პეტრიაშვილმა პარიზში მიმდინარე მსოფლიო ჩემპიონატზე ჩემპიონის ტიტული მოიპოვა.

ინფრასტრუქტურის მინისტრის ზურაბ ალავიძის ინფორმაციით, ბორჯომის ხეობაში სტიქიის სალიკვიდაციო შტაბი მუშაობას დილიდან აგრძელებს.

საქართველოს შეიარაღებული ძალების სახმელეთო ჯარების აღმოსავლეთ სარდლობის პირველი ქვეითი ბრიგადის სამხედრო მოსამსახურეებმა ბორჯომის ხეობაში ხანძრის რამდენიმე კერა აღმოფხვრეს. სამხედრო მოსამსახურეებთან ერთად ხანძრის სალიკვიდაციო სამუშაოებში საქართველოს თავდაცვის მინისტრი ლევან იზორია და შეიარაღებული ძალების გენერალური შტაბის უფროსი, გენერალ-მაიორი ვლდიმერ ჩაჩიბაია უშუალოდ მონაწილეობდნენ.

კასპის მუნიციპალიტეტის სოფელ ოკამში, ავტობანის მიმდებარე ტერიტორიაზე, ერთ-ერთმა მაცხოვრებელმა  ყანის ნარჩენებს ცეცხლი წაუკიდა, რის შესახებაც წინასწარ გააფრთხილა სახანძრო-სამაშველო სამსახური

პეკინის ქუჩისა და ვაჟა ფშაველას შემაერთებელ კვანძზე სარეაბილიტაციო სამუშაოები დასასრულს მიუახლოვდა. 

"ილია ჭავჭავაძის საზოგადოების" გამგეობის წევრის  თამარ ჩხეიძის განცხადებით,  კულტურული მემკვიდრეობის დაცვის ეროვნული სააგენტოს მიერ გაცემული ნებართვა ატენის სიონის გვერდით სამშენებლო სამუშაოების დაწყებასთან დაკავშირებით, უკანონოა. როგორც თამარ ჩხეიძემ „ექსპრესნიუსს“ განუცხადა,  ეროვნული მნიშვნელობის ძეგლიდან გამომდინარე, კულტურული მემკვიდრეობის  დაცვის ნორმების მიხედვით, ატენის სიონთან ასე ახლოს მშენებლობის დაწყება ყოვლად დაუშვებელია.

ძეგლთა დაცვის სააგენტოს ხელმძღვანელი  ნიკოლოზ ანთიძე ადასტურებს, რომ ატენის სიონის გვერდით მშენებლობის ნებართვა გაცემულია. როგორც ანთიძემ „ექსპრესნიუსს“ განუცხადა, არქეოლოგიური გათხრების შედეგად დადასტურდა, რომ ატენის სიონის მიმდებარედ  ადრე არსებობდა კერიები და სამონასტრო ცხოვრება, ახლა კი  სწორედ სამონასტრო კერიების ინფრასტრუქტურის მოწესრიგება ხდება.

300 ჰექტარისასოფლო-სამეურნეო მიწის სარწყავი წყლით უზრუნველყოფის მიზნით, ახალქალაქის მუნიციპალიტეტში  მიმდინარეობს ოკამის სატუმბი სადგურის სარეაბილიტაციო პროექტი.

ბორჯომის ხეობაში, სტიქიის ზონაში, ცეცხლის სალიკვიდაციო სამუშაოებში  1000-ზე მეტი სამხედრო ჩაერთო. ამის შესახებ ჟურნალისტებს ადგილზე მყოფმა პრემიერ-მინისტრმა გიორგი კვირიკაშვილმა განუცხადა.