ცენტრალურმა საარჩევნო კომისიამ 15:00 საათის მდგომარეობით ამომრჩეველთა აქტივობა გამოაქვეყნა.
ცენტრალური საარჩევნო კომისიის ინფორმაციით, ისნის მაჟორიტარული საარჩევნო ოლქის ორ უბანზე 2 დამკვირვებლის მხრიდან ყალბი აკრედიტაციის მოწმობის გამოყენების მცდელობა კიდევ ერთხელ აღიკვეთა.
ცენტრალური საარჩევნო კომისია ამ დროისთვის საარჩევნო პროცესში გამოვლენილ ხარვეზებზე ავრცელებს ინფორმაციას.
„ნაციონალური მოძრაობის“ წარმომადგენელთა მხრიდან ვრცელდება იფნორმაცია, რომ ჩვენი მხრიდან სპორტმენების მობილიზაცია ხდება, ეს არის სიცრუე, - ამის შესახებ „ქართული ოცნების“ აღმასრულებელმა მდივანმა ირაკლი კობახიძემ ბრიფინგზე განაცხადა.
„სამართლიანი არჩევნების“ დამკვირვებლების ინფორმაციით, 15:00 საათის მდგომარეობით კენჭისყრის პროცესი უმეტესწილად მშვიდ და ორგანიზებულ გარემოში მიმდინარეობს.
„ერთიანი ნაციონალური მოძრაობის“ ინფორმაციით, ახალციხის მე-4 საარჩევნო უბანზე 1 ბიულეტენი დაიკარგა.
„ნაციონალური მოძრაობის“ წევრი დავით კირკიტაძე ვიდეოს ავრცელებს, სადაც მისი თქმით, №30-ე რუსთავის ოლქის №24-ე უბანში მოსყიდვის ფაქტია აღბეჭდილი.
„იმედი მაქვს, რომ „ოცნებას“ ეყოფა ჭკუა და არ გადააყოლებს მთლიან არჩევნებს და მის ლეგიტიმურობას ამ სიხარბეს, რომელიც ახლა მას აქვს“, - ამის შესახებ „ნაციონალური მოძრაობის“ მაჟორიტარობის კანდიდატმა ნიკა რურუამ განაცხადა.
სოფელ სობისში მომხდარ ინციდენტზე, სადაც "ნაციონალური მოძრაობის" ინფორმაციით, მათი მხარდამჭერი ალბერტ მერებაშვილი სცემეს, შინაგან საქმეთ სამინისტრომ გამოძიება დაიწყო.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
