თბილისისა და ნატო-ს თანამშრომლობის გაძლიერება და საერთაშორისო ასპარეზზე საქართველოს ოფიციალური წარმომადგენლების მტრული რიტორიკის გახშირება სულ უფრო ეწინააღმდეგება სავაჭრო, სატრანსპორტო და ჰუმანიტარული კავშირების გამყარების ტენდენციას და შესაძლებელია, ორივე ერისთვის ობიექტურად სასარგებლო პროცესი გაწყვიტოს, - ამის შესახებ რუსეთის საგარეო საქმეთა სამინისტროს მიერ გავრცელებულ განცხადებაშია აღნიშნული.
„ამ უკანონო ქმედებების შესახებ გაერო-ს უშიშროების საბჭო და გენერალური ასამბლეა ინფორმირებული არიან და ველით, რომ ამას შესაბამისი ადეკვატური რეაგირება მოჰყვება არა მხოლოდ გაეროს, არამედ ევროკავშირის მხრიდან“,-ასე გამოეხმაურა საგარეო საქმეთა მინისტრის მოადგილე დავით ზალკალიანი გორის მუნიციპალიტეტის სოფელ ბერშუეთის მიმართულებით მცოცავ ოკუპაციას.
„მუსტაფა ემრე ჩაბუქისთვის უარის თქმა არ იწვევს მის ექსტრადაციას “,-ამის შესახებ ლტოლვილთა და განსახლების მინისტრის მოადგილემ შოთა რეხვიაშვილმა ბრიფინგზე განაცხადა.
„მეჩვენება, რომ ამ ქმედებების მთავარი ამოცანა ის გახლავთ, გარკვეულ პროვოკაციას წამოვეგოთ, ან მიზანმიმართული კურსიდან გადავუხვიოთ, რასაც ძალიან მყარი ევროინტეგრაციის კურსი წარმოადგენს და რა თქმა უნდა, ეს არ მოხდება“,-ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა ჟურნალისტებს განუცხადა.
„მუხთარლის საქმეზე გამოძიება იმდენ დროს წაიღებს რამდენიც საჭირო იქნება მის დასასრულებლად“,-ამის შესახებ აშშ-ის საგანგებო და სრულუფლებიანმა ელჩმა საქართველოში იან კელიმ ჟურნალისტებს განუცხადა.
„მნიშვნელოვანია, რომ ჩაბუქის ექსტრადაციის საკითხზე საფუძვლიანი მტკიცებულებები არსებობდეს“,-ამის შესახებ აშშ-ის საგანგებო და სრულუფლებიანმა ელჩმა საქართველოში იან კელიმ განაცხადა.
რა ხდება? ხდება ის, რომ საქართველოსა და სამხრეთ ოსეთს შორის უნდა იყოს საზღვარი და ამას აკეთებენ სამხრეთ ოსეთის წარმომადგენლები, - ამის შესახებ რუსეთის საგარეო საქმეთა მინისტრის მოადგილემ, გრიგორი კარასინმა განაცხადა.
პრეზიდენტის ადმინისტრაცია მმართველ გუნდს საკონსტიტუციო ცვლილებებზე დიალოგის დაწყებას 10 ივლისიდან სთავაზობს.
იუსტიციის მინისტრი ევროკავშირისა და აღმოსავლეთის პარტნიორობის იუსტიციისა და შს მინისტრთა სამიტის მუშაობაში მიიღებს მონაწილეობას. მინისტრთა სამიტი ტალინში გაიმართება.
საქართველოს პრეზიდენტი გიორგი მარგველაშვილი პრემიერთან და ხელისუფლების სხვა წარმომადგენლებთან ერთად ამერიკის შეერთებული შტატების დამოუკიდებლობის დღისადმი მიძღვნილ საზეიმო მიღებას დაესწრო.
საქართველოს პრემიერ-მინისტრმა გიორგი კვირიკაშვილმა აშშ-ს და ამერიკელ ხალხს ამერიკის დამოუკიდებლობის დღე მიულოცა.
„საქართველოს პრემიერ-მინისტრმა თქვა, რომ რეფორმებს გააგრძელებს და ჩვენ ამას მხოლოდ მხარს ვუჭერთ“,-ამის შესახებ აშშ-ის სრულუფლებიანმა და საგანგებო ელჩმა საქართველოში იან კელიმ ჟურნალისტებს განუცხადა.
საქართველოს პრემიერ-მინისტრის სპეციალური წარმომადგენელი რუსეთთან ურთიერთობების საკითხებში ზურაბ აბაშიძე დღეს პრაღაში რუსეთის საგარეო უწყების მოადგილეს გრიგორი კარასინს შეხვდება.
ფრაქცია „ქართული ოცნების“ თავმჯდომარის მამუკა მდინარაძის განცხადებით, უშიშროების საბჭო ის ადგილი არ არის, სადაც მცოცავი ოკუპაციის მსგავს საკითხებს განიხილავენ.
„არასოდეს საქართველოს საკითხი ასე აქტუალური არ ყოფილა საერთაშორისო ორგანიზაციების ფარგლებში და არასოდეს რუსეთის პასუხისმგებლობა ასე მკაცრად არ დამდგარა ყველა ფორმატში, როგორც დგება დღეს“, - ასე გამოეხმაურა საქართველოს საგარეო საქმეთა მინისტრი მიხეილ ჯანელიძე სოფელ ბერშუეთის მიმართულებით მცოცავ ოკუპაციას.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
