2016-10-13 13:13:49, 826 ნახვა

---

კახიძე: საკონსტიტუციო უმრავლესობა საშიშია, რადგან ხელისუფლება ძალაუფლების მონოპოლიზაციისკენ მიჰყავს

„ნაციონალური მოძრაობის“ წევრის  ოთარ კახიძის განცხადებით, საკონსტიტუციო უმრავლესობა საშიშია, რადგან ხელისუფლება ძალაუფლების მონოპოლიზაციისკენ მიჰყავს.

კახიძის თქმით, ოპოზიციური პარტიების ინიციატივა მისასალმებელია, რომლებიც საზოგადოებას მოუწოდებენ, მეორე ტურში „ქართული ოცნების“ კანდიდატებს მხარი არ დაუჭირონ.

„მივესალმები ამ ინიციატივას, ამის შესახებ განცხადება გააკეთა „რესპუბლიკური პარტიის“  ლიდერმა დავით ბერძენიშვილმაც და რამდენიმე პარტიამ. კარგი იქნება თუ საკონსტიტუციო უმრავლესობა არ ექნება „ქართულ ოცნებას“. ყველაფერს მეორე ტური გვიჩვენებს. მაგრამ მეორე ტურამდე უნდა მივიდეთ მშვიდად“, -აღნიშნა კახიძემ და დასძინა, რომ შეცდომები, რომელიც „ნაციონალურმა მოძრაობამ“ საკუთარი მმართველობის პერიოდში დაუშვა, სწორედ პარლამენტში საკონსტიტუციო უმრავლესობით მოსვლის შედეგად მოხდა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი