დღეიდან მე ვწყვეტ პარტიულ საქმიანობას და ამით გზას ვუხსნი ახალ ხალხს, - ამის შესახებ "თავისუფალი დემოკრატების" ერთ-ერთმა ლიდერმა ზურაბ აბაშიძემ დღეს გამართულ საგანგებო ბრიფინგზე განაცხადა.

როგორც აბაშიძემ აღნიშნა, მომავალში გამოჩნდება, თუ რა ამპლუაში მოევლინება ის საზოგადოებას.

"მინდა განვაცხადო, რომ პარტიაში არ ვრჩები. გზას ვუხსნი ახალ ხალხს, რომელიც ბოლო პერიოდში პარტიას შემოურთდა. ხალხს, რომელსაც აქვს ენთუზიაზმი, რომელსაც აქვს მოტივაცია იმისა, რომ გააგრძელოს საქმე და ეს პარტია წარმატებისკენ მიიყვანოს. მე არასდროს ვხელმძღვანელობდი, პარტიული ინტერესებით, ჩემთვის ყოველთვის სამშობლო და სახელმწიფო იყო პირველ ადგილზე. მომავალში რას ვიზამ და როგორ ვიზამ, რა ამპლუაში მოგევლინებით, ბუნებრივია ამას დრო გვიჩვენებს", - განაცხადა აბასიძემ.

ბრიფინგის დაწყებისას მან ამომრჩეველს მხარდაჭერისთვის მადლობა გადაუხადა.

ამასთან, აბაშიძის განცხადებით სამწუხაროა, რომ პარტია "თავისუფალი დემოკრატები" პარლამენტში ვერ მოხვდნენ.

ცნობისთვის, პარტია ვიქტორ დოლიძემ, გიორგი ცაგარეიშვილმა და დავით ონოფრიშვილმა დატოვეს. რამდენიმე დღის წინ პოლიტიკური საქმიანობა, პარტიის ლიდერებმა ირაკლი ალასანიამ და ალექსი პეტრიაშვილმა შეწყვიტეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ნონსენსია ფასების გაიაფების მოლოდინი ქვეყანაში, რომლის მთავრობაც არალეგიტიმურია

გდდ-ს ხელმძღვანელის პოზიციას ბაადურ შენგელია დაიკავებს

რეჟიმის წარმომადგენელი მაჭარაშვილი ამბობს, რომ ფასების კომისია არ პასუხობს გამოწვევებს

ონის მისასვლელთან მეწყერი ჩამოწვა, შეზღუდულია ტრანსპორტის მოძრაობა