ეკონომიკისა და მდგრადი განვითარების მინისტრობის კანდიდატის გიორგი გახარიას განცხადებით, დღეს საქართველოს ეკონომიკას საკმაოდ მძიმე პირობებში უწევს განვითარება.
„საქართველო შესაძლოა იყოს ბრიტანეთის ბიზნესისთვის საუკეთესო რეგიონული პლატფორმა", - ამის შესახებ საქართველოს საგარეო საქმეთა მინისტრობის კანდიდატმა მიხეილ ჯანელიძემ გაერთიანებული სამეფოს ევროპისა და ამერიკის საკითხებში სახელმწიფო მინისტრის სერ ალან დუნკანთან გამართული პრესკონფერენციის დროს განაცხადა, რომელიც თბილისს „უორდროპის სტრატეგიული დიალოგის" მესამე რაუნდის ფარგლებში ეწვია.
2008 წლიდან მოყელებული ორივე ტერიტორიაზე, როგორც აფხაზეთში, ისე ცხინვალის რეგიონში, მანამდე არსებული საერთაშორისო მისიები შეწყდა და ის რეალობა მივიღეთ, როდესაც რუსეთი ამ ტერიტორიებს ფაქტობრივად ექსკლუზიურად აკონტროლებს, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრობის კანდიდატმა ქეთევან ციხელაშვილმა განაცხადა.
"უორდროპის დიალოგი", რომელიც ქართულ-ბრიტანული ურთიერთობების ფართო სპექტრს მოიცავს, პარტნიორობის ახალ ფორმატზე გადავიდა, - ამის შესახებ საქართველოს პრემიერ–მინისტრობის მოვალეობის შემსრულებელ გიორგი კვირიკაშვილისა და დიდი ბრიტანეთისა და ჩრდილოეთ ირლანდიის გაერთიანებული სამეფოს საგარეო და თანამეგობრობის საქმეთა სამინისტროს, ევროპისა და ამერიკის საკითხებში სახელმწიფო მინისტრ სერ ალან დუნკანის შეხვედრაზე აღინიშნა.
არ მეყოფა დრო, ვისაუბრო იუსტიციის სამინისტროს როლზე, ვისაუბრო იმაზე, თითოულმა საჯარო მოხელემ რა გააკეთა ვიზალიბერალიზაციისა და ასოცირების ხელშეკრულების ხელმოწერის პროცესების დადებითად დასრულებისათვის, - ამის შესახებ თეა წულუკიანმა მე-9 მოწვევის პარლამენტის სამი კომიტეტის გაერთიანებულ სხდომაზე ისაუბრა.
საქართველოს პარლამენტის ოთხმა კომიტეტმა მთავრობის ახალ შემადგენლობას მხარი დაუჭირა.
„გილოცავთ, რომ გაემიჯნეთ მავანს, რომელიც საქართველოსთან გვირაბის მეშვეობით აპირებდა კავშირის დამყარებას“,-ასე მიმართა იუსტიციის მინისტრობის კანდიდატმა თეა წულუკიანმა პარლამენტში კომიტეტების რამდენიმე გაერთიანებულ სხდომაზე „ნაციონალური მოძრაობის“ წევრებს.
შინაგან საქმეთა მინისტრობის კანდიდატის გიორგი მღებრიშვილის განცხადებით, ინტერპოლი გიგა ოთხოზორიას მკვლელობაში ბრალდებულის წითელი ცირკულარით ძებნას უახლოეს მომავალში დაიწყებს, - ამის შესახებ მრებრიშვილმა "ნაციონალური მოძრაობის" წევრის გიგა ბოკერიას დასმულ კითხვაზე საპასუხოდ განაცხადა.
"ქართული ოცნება" იმსახურებს იმას რაც ახლა დარბაზში ხდება, იმიტომ, რომ ეს ხალხი თქვენ გააცოცხლეთ, - ასე აფასებს "პატრიოტთა ალიანსის" წევრი ირმა ინაშვილი კომიტეტების სხდომაზე, "ნაციონალური მოძრაობის" მიერ დასმულ მწვავე კითხვებს და მინისტრობის კანდიდატებს კითხვებით მიმართავს.
"ნაციონალური მოძრაობის" მხრიდან კრიმინალის გაზრდაზე კითხვა ახალი არ არის და ჭორაობას გავს, - ასე უპასუხა შს მინისტრობის კანდიდატმა გიორგი მღებრიშვილმა დეპუტატ გიგა ბოკერიას კითხვას.
„საკეკლუცოდ და მეტიჩრობისთვის მე ვერ წავიდოდი, კონკრეტული თემისთვის ჩვენ შევთანხმდით, რომ შედგება ნატო-საქართველოს კომისია, მათ შორის რუმინეთში, რომელიც მთავრობას იანვარში დააკომპლექტებს და უფრო კონკრეტულად ჩამოყალიბდება ჩვენი თანამონაწილეობის საკითხზე. ეს საკითხი იქნება თებერვალში განხილული“,-ასე უპასუხა თავდაცვის მინისტრობის კანდიდატმა ლევან იზორიამ „ნაციონალური მოძრაობის“ წევრის ელენე ხოშტარიას კითხვას თუ რატომ არ მიიღო მან მონაწილეობა ბრიუსელში, ნატო-ს თავდაცვის მინისტერიალზე.
„ამ არჩევნებზე გვქონდა ყველაზე ზუსტი და სანდო საარჩევნო სია", - ამის შესახებ იუსტიციის მინისტრობის კანდიდატმა თეა წულუკიანმა მე-9 მოწვევის პარლამენტის სამი კომიტეტის გაერთიანებულ სხდომაზე განაცხადა.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
