„ქართული ოცნების“ ინფორმაციით, ახალციხეში, სოფელ ნაოხრებში 26-ე საარჩევნო უბანზე, „ნაციონალური მოძრაობის“ კანდიდატმა ვაჟა ჩიტაშვილმა კომისიის წევრი უბნიდან შენობის გარეთ გამოიყვანა და ესაუბრებოდა.
საქართველოს ყოფილი პრეზიდენტის, ოდესის ოლქის გუბერნატორის მიხეილ სააკაშვილის განცხადებით, 8 ოქტომბრის არჩევნების შემდეგ საქართველოში ჩამოსვლას გეგმავს, თუმცა მისი თქმით, ეს დაბრუნება არ იქნება.
„ქართული ოცნება-დემოკრატიული საქართველოს“ ადიგენისა და ახალციხის მაჟორიტარი დეპუტატობის კანდიდატმა, გიორგი კოპაძემ საკუთარი არჩევანი ახალციხეში, 44-ე საარჩევნო უბანზე დააფიქსირა.
„ხმა მივეცი მშვიდობას, სტაბილურობას, კეთილდღეობას და ევროპულ საქართველოს", - ამის შესახებ საქართველოს საგარეო საქმეთა მინისტრმა მიხეილ ჯანელიძემ საპარლამენტო არჩევნებში ხმის მიცემის შემდეგ განაცხადა.
ზესტაფონის საარჩევნო ოლქში რამდენიმე უბანზე ფულის გადაცემის ფაქტი დაფიქსირდა, - ამის შესახებ „ექსპრესნიუსს“ „ქართული ოცნებიდან“ აცნობეს.
მე დღეს ხმა მივეცი ჩვენი ქვეყნის სწრაფ განვითარებას, თავისუფლებას და ყველა ჩვენთაგანის კეთილდღეობას, - ამის შესახებ საქართველოს პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა საპარლამენტო არჩევნებში ხმის მიცემის შემდეგ განაცხადა.
„ქართული ოცნება -დემოკრატიული საქართველოს“ ქალაქ გორის მაჟორიტარი დეპუტატობის კანდიდატმა, იოსებ მაკრახიძემ საკუთარი არჩევანი დააფიქსირა.
დუშეთისა და ლაგოდეხის მაჟორიტარული საარჩევნო სისტემის ბიულეტენები, სავარაუდოდ, სტამბაში ბლოკნოტებად აკინძვის დროს, ერთმანეთს შეერია.ამის შესახებ ცესკო-ს სპიკერმა ანი მიქელაძემ განაცხადა.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
