|
2017-03-02 11:13:51, 1540 ნახვა
პოლიტიკა
„თავისუფალი დემოკრატები“ „რუსთავი 2“-ის მხარდამჭერ აქციაში მიიღებს მონაწილეობას
,,თავისუფალი დემოკრატები” სატელევიზიო კომპანია „რუსთავი 2“-ის მხარდამჭერ აქციაში მიიღებს მონაწილეობას. ამის შესახებ პარტიის სპეციალურ განცხადებაშია ნათქვამი: „ჩვენ სიტყვის თავისუფლებას ვიცავთ ყოველთვის, იმის მიუხედავად, ხელისუფლებაში ვართ თუ ოპოზიციაში. სიტყვის თავისუფლება არის ფუნდამენტური ღირებულება, რომლის დაცვა ჩვენს ქვეყანაში შესაძლებელი იქნება მხოლოდ იმ შემთხვევაში, თუ ხელისუფლებისგან დამოუკიდებელ და მისდამი კრიტიკულად განწყობილ მედია საშუალებებსა და ჟურნალისტებს დაუბრკოლებლად შეეძლებათ საქმიანობა. ამიტომ რუსთავი ორის ისეთი სახით შენარჩუნებას, რომელი სახითაც დღეს არსებობს, ჩვენ პრინციპულ მნიშვნელობას ვანიჭებთ და განვიხილავთ, როგორც საკვანძო მომენტს თავისუფალი საქართველოს დემოკრატიული განვითარებისა და ქვეყნის ევროატლანტიკურ სივრცეში ინტეგრაციისათვის ბრძოლის საქმეში. ,,თავისუფალი დემოკრატები“ ,,რუსთავი 2“ - ის დამოუკიდებლობის დასაცავად მოვუწოდებთ ყველას, ვისთვისაც მნიშვნელოვანი და ძვირფასია სიტყვის თავისუფლება, პლურალისტული მედია და კრიტიკული აზრი. ჩვენ ერთად უნდა შევაკავოთ ძალაუფლების უზურპაციისკენ მიდრეკილი ხელისუფლება და მასზე დაქვემდებარებული, პოლიტიზებული სასამართლო. ჩვენ ერთად უნდა დავამკვიდროთ ჩვენს ქვეყანაში კანონის უზენაესობისა და კანონის წინაშე თანასწორობის პრინციპები!“,-აღნიშნულია განცხადებაში.
|
რედაქტორის რჩევით
რა მეთოდები გამოიყენება ჟურნალისტებისა და მედიის დისკრედიტაციისთვის
რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო
ომი უკრაინაში
პოლტავის რეგიონში რუსეთის საჰაერო დარტყმის შედეგად ოთხი ადამიანი დაიღუპა, 31 დაიჭრა
ზელენსკიმ 5-6 მაისის ღამეს ცეცხლის შეწყვეტა გამოაცხადა
ვიდეო/LIVE პატრიარქის ილია მეორის დაკრძალვა - პირდაპირი
უვიზო მიმოსვლის შეჩერებაზე ოცნება იქნება პასუხისმგებელი - ევროპარლამენტის ანგარიშის პროექტი
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)