აგულაშვილი: რეინჯერმა გაფრთხილების შემდეგ, ბრაკონიერი დაჭრა, თუმცა მას მძიმე დაზიანება არ მიუღია

2016-12-09 18:31:05, 1521 ნახვა

საზოგადოება

გარემოსა და ბუნებრივი რესურსების დაცვის მინისტრის გიგლა აგულაშვილის განცხადებით, საგურამოში მომხდარ ინციდენტზე გამოძიება მიმდინარეობს.

მინისტრმა მედიას მომხდართან დაკავშირებით მისთვის არსებული ინფორმაცია გააცნო:

„ბრაკონიერებს ჩვენი რეინჯერები გადააწყდნენ, მათ შორის დაცული ტერიტორიის ხელმძღვანელი. ბრაკონიერებმა არ შეასრულეს ჩვენი რეინჯერების მოთხოვნა, შემდეგ იყო გამაფრთხილებელი გასროლა ჰაერში ოთხჯერ, როგორც მე ვარ ინფორმირებული, ბრაკონიერმა ჩვენს თანამშრომელს ესროლა, ამის შემდეგ კი, რეინჯერმა ესროლა ერთ-ერთ ბრაკონიერს, რომელიც დაიჭრა, თუმცა ტყვიამ გაიარა რბილ ქსოვილებში და მას მძიმე დაზიანება არ მიუღია. დაჭრილი ბრაკონიერი და ჩვენი თანამშრომელი პოლიციის განყოფილებაში გადაიყვანეს. პროკურატურა საქმეს იძიებს და იმედია, ყველაფერს თავისი ლოგიკური დასასრული ექნება“, - აღნიშნა გიგლა აგულაშვილმა.