ირაკლი კობახიძე: იმამკულიევს ახალგაზრდების მობილიზება აქვს განზრახული

2016-10-30 19:12:02, 576 ნახვა

პოლიტიკა

ჩვენს ხელთ არსებული ინფორმაციით, მარნეულის მაჟორიტარულ საარჩევნო ოლქში მაჟორიტარობის კანდიდატს „ნაციონალური მოძრაობიდან“ იმამკულიევს აქვს განზრახული ახალგაზრდების მობილიზება, - ამის შესახებ „ქართული ოცნების“ აღმასრულებელმა მდივანმა ირაკლი კობახიძემ ბრიფინგზე განაცხადა.

როგორც კობახიძემ აღნიშნა, აკმამედ იმამკულიევს მარნეულის ოლქში პროცესის ხელოვნურად ჩაშლა სურს.

„მარნეულის მაჟორიტარულ საარჩევნო ოლქში მაჟორიტარობის კანდიდატს „ნაციონალური მოძრაობიდან“ იმამკულიევს აქვს განზრახული ახალგაზრდების მობილკიზება, იმისთვის, რომ ხელოვნურად ჩაშალოს რამდენიმე უბანი მარნეულის ოქლში. აქ საუბარია ყიზილაჯლოს უბანზე და ასევე საუბარია ქალაქ მარნეულის რამდენიმე საარჩევნო უბანზე. ჩვენ ვაფრთხილებთ ყველა ამ ადამიანს, რომელიც შეიძლება იყოს ჩართული ასეთ პროვოკაციებში, რომ თავი შეიკავონ კანონდარღვევისგან, რადგან ამას აუცილებლად მოჰყვება შესაბამი რეაგირება“, - განაცხადა კობახიძემ.

მმართველი გუნდის აღმასრულებელმა მდივანმა მხარდამჭერებს მოუწოდა პროვოკაციებს თავი აარიდონ.