ბოკერია მიიჩნევს, რომ გივი თარგამაძის მანქანის აფეთქების საქმესთან დაკავშირებული სპეცოპერაცია წინასაარჩევნო პიარია

2016-10-07 21:48:34, 712 ნახვა

პოლიტიკა

"ერთიანი ნაციონალური მოძრაობის" წევრი გიგა ბოკერია მიიჩნევს, რომ გივი თარგამაძის მანქანის აფეთქების საქმესთან დაკავშირებული სპეცოპერაცია წინასაარჩევნო პიარს უკავშირდება.

მისი განცხადებით, "ეს ადასტურებს, თუ როგორი უპასუხისმგებლო ხელისუფლება გვყავს, რომელსაც საბედნიეროდ ეს ძალიან მალე დავასრულებთ".

„იმ ინფორმაციაზე დაყრდნობით, რომელიც ახლა გვაქვს, დასკვნის გამოტანა შეუძლებელია, თუ არ ჩავთვლით იმას, რომ პროსამთავრობო ტელევიზიის ეგზოტიკური ჟურნალისტი დაჟინებით მოითხოვდა რესპონდენტებისგან ეთქვათ თითქოს ეჭვმიტანილი უკრაინიდანაა ან რაიმე კავშირი აქვს, თუმცა ამას არავინ ამბობდა. ჩვენ კარგად გვახსოვს პრემიერმა ჯერ კიდევ გამოძიების დაწყებამდე გაკეთებული აქცენტებიც. ეს ყველაფერი კიდევ ერთხელ მიანიშნებს ძალიან უტიფარ წინასაარჩევნო პიართან გვაქვს საქმე. ეს ადასტურებს, თუ როგორი უპასუხისმგებლო ხელისუფლება გვყავს, რომელსაც საბედნიეროდ ეს ძალიან მალე დავასრულებთ", - განაცხადა ბოკერიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან