რუსეთის საგარეო საქმეთა სამინისტრომ დიდი ბრიტანეთის კულტურის მინისტრი ლუსი ფრეიზერი, თავდაცვის მინისტრის მოადგილე ანაბელ გოლდი, ბრიტანელი ჟურნალისტები და სისხლის სამართლის საერთაშორისო სასამართლოს პროკურორი კარიმ ხანი შავ სიაში შეიყვანა და ქვეყანაში შესვლა აუკრძალა. აღნიშნულის შესახებ ინფორმაციას რუსული პროპაგანდისტული მედია TASS-ი ავრცელებს.

მედიის ცნობით, შავ სიაში BBC-ის, Telegraph-ისა და Guardian-ის 14 ჟურნალისტია შეყვანილი. ამასთან საერთო ჯამში სიაში დიდი ბრიტანეთის 54 მოქალაქე მოხვდა.

რუსეთის საგარეო საქმეთა სამინისტროს განცხადებით, დიდი ბრიტანეთის კულტურის მინისტრს, ლუსი ფრეიზერს სანქციები იმის გამო დაუწესდა, რომ ის ლობირებს რუსი სპორტსმენების საერთაშორისო ღონისძიებებზე არდაშვებას, ხოლო თავდაცვის მდივნის მოადგილეს, ანაბელ გოლდის იმისთვის, რომ ის პასუხისმგებელია უკრაინისთვის შეიარაღების მიწოდებაზე.

ამასთან, ჰააგის სასამართლოს პროკურორს, ბრიტანეთის მოქალაქე კარიმ ხანი, რუსეთმა „შავ სიაში“ ვლადიმერ პუტინის დაკავების ორდერის გაცემისთის შეიყვანა.

ავტორი: ექსპრესნიუსი,

სოციალური ქსელები

Faridaily: რუსეთის ბუნებრივი რესურსების მინისტრის მოადგილე საქართველოს გავლით აშშ-ში გაიქცა

ირაკლი კობახიძემ მამუკა მდინარაძეს, როგორც სახელმწიფო მინისტრს, უფლებამოსილებები და მისი ფარგლები განუსაზღვრა

ფასების კომისიის დასკვნა: ჩვენი რეკომენდაციაა უფრო რბილი ჩარევა, ვიდრე აგრესიული

მომსახურების სააგენტოს ხელმძღვანელი შალვა კბილაშვილი გახდა