2023-08-14 15:35:41, 725 ნახვა

---

სააგენტო - ტემპერატურა 2-3 გრადუსით დაიკლებს, თუმცა ქვეყანის ტერიტორია კვლავ თბური ტალღის ზემოქმედების ქვეშ რჩება

მიმდინარე კვირის განმავლობაში ჰაერის ტემპერატურა გასულ კვირასთან შედარებით 2-3◦C-ით დაიკლებს, თუმცა ქვეყნის ტერიტორია კვლავ რჩება თბური ტალღის ზემოქმედების ქვეშ. ამის შესახებ ინფორმაციას გარემოს ეროვნული სააგენტო ავრცელებს.

სააგენტოს ინფორმაციით, ცალკეულ დღეებში დასავლეთ საქართველოს დაბლობში ჰაერის ტემპერატურამ შესაძლებელია 34◦C-36◦C მიაღწიოს, ხოლო აღმოსავლეთ საქართველოს ბარში - 35◦C-37◦C-ს. ქვეყნის მთიან რაიონებში დღის მაქსიმალური ტემპერატურა  31◦C-36◦C, მაღალმთაში  26◦C-31◦C-მდე მოიმატებს. 

გარემოს ეროვნული სააგენტო მოსახლეობას აფრთხილებს, რომ მოსალოდნელი მაღალი ტემპერატურები ტყის ხანძრებისა და მყინვარების დნობასთან დაკავშირებული პროცესების გააქტიურების ხელშემწყობ პირობებს წარმოადგენს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი