ევროკავშირის ქვეყნებმა დაამტკიცეს გაზის ფასის ზედა ზღვრის შემოღება - ეს იქნება მაქსიმალური ფასი, რომლითაც შესაძლებელია კონტრაქტების გაფორმება ევროკავშირის წევრ სახელმწიფოებთან.

შეზღუდვები ძალაში შევა, თუ ჰოლანდიის უდიდეს TTF ჰაბში გაზის ფასი სამი დღის განმავლობაში გადააჭარბებს 180 ევროს მეგავატსაათზე.

ფასის ლიმიტის დებულება 15 თებერვლიდან იმოქმედებს.

საბოლოო ზღვარი მნიშვნელოვნად დაბალი იყო ევროკომისიის თავდაპირველ წინადადებაზე (275 ევრო).

ევროკავშირში გაზის ფასების ჭერი შემოღებულია, როგორც ინფლაციის წინააღმდეგ საბრძოლველად, რომელიც ბოლო თვეებში ისტორიულ მაქსიმუმზე იყო.

ევროპაში გაზის ფასის მნიშვნელოვანი ზრდა გამოწვეულია, სხვა საკითხებთან ერთად, რუსეთთან დაპირისპირებით, რამაც მნიშვნელოვნად შეამცირა გაზის ფიზიკური მიწოდება კონტინენტზე.

ჭერის შემოღებას ეწინააღმდეგებოდნენ, კერძოდ, ნიდერლანდები, ავსტრია, უნგრეთი, ასევე გერმანია, რომელიც ევროკავშირში საწვავის უმსხვილესი მომხმარებელია. ეს ქვეყნები შიშობენ, რომ საწვავის ფასებში არასაბაზრო ჩარევამ შეიძლება გამოიწვიოს არაპროგნოზირებადი შედეგები.

ავტორი: ექსპრესნიუსი,

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა