კანადამ ახალი სანქციები დააწესა რუსეთის, ირანისა და მიანმარის წინააღმდეგ სახელმწიფოსა და მთავრობების მიერ ადამიანის უფლებების დარღვევის გამო, - იუწყება Reuters-ი.

სანქციები დაწესდა რუსეთის ფედერაციის 33 მოქმედ და ყოფილ მაღალჩინოსანზე. ირანის წინააღმდეგ სანქციები დაწესდა ირანში მამაკაცის სიკვდილით დასჯიდან ერთი დღის შემდეგ.

ცნობილი გახდა, რომ აშშ აპირებს გამოაცხადოს ახალი სანქციები რუსეთისა და ჩინეთის წინააღმდეგ.

სანქციები მიზნად ისახავს რუსეთის მიერ უკრაინის წინააღმდეგ ომში ირანული თვითმფრინავების გამოყენების თავიდან აცილებას. შეზღუდვები გავლენას მოახდენს რუსეთში ადამიანის უფლებების დარღვევაში ჩართულ სტრუქტურებზეც.

დღეს დიდმა ბრიტანეთმა რუსეთის უშიშროების სამსახურის წარმომადგენლებსა და სამხედროებს, უკრაინელების წამებისა და უკრაინაში ომის გამო, სანქციები დაუწესა. აღნიშნული ინფორმაცია ბრიტანეთის მთავრობის ოფიციალურ ვებგვერდზე გამოქვეყნდა.

სანქცირებულთა სიაში არიან რუსეთის შავი ზღვის ფლოტის საგამოძიებო კომიტეტის სამხედრო საგამოძიებო დეპარტამენტის 534-ე განყოფილების გამომძიებელი ვალენტინ ოპარინი და როსტოვის ოლქის პროკურორი ოლეგ ტკაჩენკო, რომელმაც მტკიცებულებების მოსაპოვებლად წამების მეთოდი გამოიყენა. 

შემაკავებელი ღონისძიებები ასევე მიღებულია ოკუპირებულ ყირიმში რუსეთის ფედერაციის უსაფრთხოების ფედერალური სამსახურის თანამშრომლის, ანდრეი ტიშენინისა და ოკუპირებულ ნახევარკუნძულზე უფროსი დეტექტივის, არტურ შამბაზოვის წინააღმდეგ. მათ 2015 წელს უკრაინელი აქტივისტი ალექსანდრე კოსტენკო აწამეს.

ავტორი: ექსპრესნიუსი,

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა