ARD-ის ეგზიტპოლის თანახმად, გერმანიის პარლამენტის ქვედა პალატის, ბუნდესტაგის არჩევნებში სოციალ-დემოკრატიული პარტია მცირე უპირატესობით – 25%-ით ლიდერობს (202 ადგილი ბუნდესტაგში). შემდეგი ქრისტიან-დემოკრატიული პარტიაა 24.5%-ით (197 ადგილი).

• მწვანეთა პარტია – 13.8% (110 ადგილი)
• თავისუფალი დემოკრატიული პარტია – 11.7% (93 ადგილი)
• ალტერნატივა გერმანიისთვის – 10.9% (87 ადგილი)
• მემარცხენე პარტია – 5% (40 ადგილი)
• სხვა პარტიები – 8.6%

არჩევნების შედეგებით გადაწყდება, ვინ გახდება გერმანიის შემდეგი კანცლერი. აღსანიშნავია, რომ ანგელა მერკელის პოლიტიკიდან წასვლის შემდეგ გერმანიის ქრისტიან-დემოკრატიული პარტიის პოპულარობა შემცირებულია.

არსებული მონაცემებით, საკანონმდებლო ორგანოში შესვლის შესაძლებლობა აქვს სოციალისტურ მემარცხენე პარტიას, რომელსაც ხმების ხუთი პროცენტი აქვს.

პროგნოზების მიხედვით, არჩევნების ყველაზე დიდი გამარჯვებულები მემარცხენე-ცენტრისტული პარტიები არიან. ანგელა მერკელის წასვლის ფონზე, კონსერვატიულმა ქრისტიან-დემოკრატიულმა კავშირმა, წინა არჩევნებთან შედარებით, რვა პროცენტით ნაკლები აიღო და თუ ეს მონაცემები საბოლოო შედეგებს დაემთხვევა, ეს იქნება კონსერვატიული კავშირის ყველაზე ცუდი შედეგი 1949 წლის შემდეგ.

ავტორი: ექსპრესნიუსი,

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა