მინსკის სასამართლოში ბელორუსი ოპოზიციონერების სასამართლო პროცესი დაიწყო

2021-08-04 15:42:05, 785 ნახვა

მსოფლიო

მინსკის სასამართლოში დახურულ კარს მიღმა ორი ბელარუსი ოპოზიციონერის სასამართლო პროცესი მიმდინარეობს-ამის შესახებ ინფორმაციას BBC ავრცელებს

მათი ინფორმაციით, საპროტესტო აქციის ორგანიზატორი მარია კოლესნიკოვა და ოპოზიციის ადვოკატი მაქსიმ ზნაკი გასული წლის სექტემბერში ბრალდებულები იყვნენ ეროვნული უსაფრთხოების ხელყოფის წახალისებისათვის.

ბრალის დამტკიცების შემთხვევაში თითოეულ მათგანს 12 წლამდე თავისუფლების აღკვეთა ემუქრება.

შეგახსნეებთ ბელორუსია შარშან მასობრივმა საპროტესტო აქციებმა მოიცვა, რასაც საფუძვლად დაედო არჩევნები, რომელიც ჩაითვალა გაყალბებულად ალექსანდრე ლუკაშენკოს სასარგებლოდ.

არჩევნების ლეგიტიმურობა უარყვეს როგორც ევროკავშრმა ასევე აშშ-მ. პრეზიდენტმა ლუკაშენკომ დაიწყო მასშტაბური რეპრესიები ოპოზიციონერების წინაღმდეგ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,