2021-03-19 15:13:01, 833 ნახვა

---

თეთრი სახლის ადმინისტრაცია პუტინს დებატებზე უარს ეუბნება და აცხადებს, რომ ჯო ბაიდენი ძალიან დაკავებულია

რუსეთის ფედერაციის პრეზიდენტის, ვლადიმერ პუტინის მხრიდან აშშ-ის პრეზიდენტის, ჯო ბაიდენი დებატებში მოწვევას თეთრი სახლის ადმინიტრაცია პასუხობს.

როგორც ჯო ბაიდენის პრესმდინავმა განაცხადა, პრეზიდენტი ძალიან დაკავებულია და მას უკვე ჰქონდა სატელეფონო საუბარი ვლადიმერ პუტინთან.

„ჯო ბაიდენს უკვე ჰქონდა სატელეფონო საუბარი ვლადიმერ პუტინთან და პარასკევს, იქნება საკმაოდ დაკავებული, რათა განაგრძოს დიალოგი პირდაპირ ეთერში. ჩვენ რუსეთის ხელისუფლებასთან და მთავრობასთან ყველა საკითზე ვთანამშრომლობთ და მეტი არაფერი მაქვს თქვენთვის სათქმელი. რაც შეეხება სამომავლო შეხვედრას, პრეზიდენტი ხვალ ჯორჯიის შტატში იქნება და ძალიან დაკავებულია“, - განაცხადა პრესმდივანმა.

შეგახსენებთ, რომ გუშინ ვლადიმერ პუტინმა ჯო ბაიდენი ღია პოლიტიკურ დისკუსიაში მოიწვია და დიალოგის თარიღად 19 ან 22 მარტი დაასახელა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი