2021-03-13 11:29:24, 564 ნახვა

---

45 ქვეყანა რუსეთს ალექსეი ნავალნის გათავისუფლებისკენ და მისი მოწამვლის საქმის გამოძიებისკენ მოუწოდებს

45 ქვეყანა რუსეთს ოპოზიციონერი ალექსეი ნავალნის გათავისუფლებისკენ მოუწოდებს და მისი მოწამვლის გამოძიებას ითხოვს, - ამის შესახებ ინფორმაციას Reuters-ი ავრცელებს.

აღნიშნული 45 ქვეყნის განცხადება, რომელთა შორის გარდა ევროპული სახელმწიფოებისა ავსტრალია, კანადა და იაპონიაა, ჟენევაში ადამიანის უფლებათა საბჭოში პოლონეთის წარმომადგენელმა წაიკითხა.

„ჩვენ მოვუწოდებთ რუსეთის ფედერაციას დაუყოვნებლივ გაათავისუფლოს ალექსეი ნავალნი და ყველა უკანონოდ ან კანონის საწინააღმდეგოდ დაკავებული პირი, მათ შორის ადამიანები, რომლებიც იბრძოდნენ თავისუფალი უფლებებისთვის, ასევე თავისუფალი სიტყვისთვის და გამოხატვისთვის, რელიგიისთვის", - აღნიშნულია განცხადებაში.

45 ქვეყნის ერთობლივი განცხადების ავტორები ასევე შეშფოთებას გამოთქვამენ რუსეთის ქალაქებში ალექსეი ნავალნის მხარდასაჭერ აქციაზე დემონსტრანტების დაკავების გამო.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი