2021-03-07 17:44:54, 860 ნახვა

---

საუდის არაბეთის მეთაურობით მოქმედმა საერთაშორისო კოალიციამ იემენის დედაქალაქზე ავიაიერიშები მიიტანა

საუდის არაბეთის მეთაურობით მოქმედმა საერთაშორისო კოალიციამ იემენის დედაქალაქზე ავიაიერიშები მიიტანა.

ამის შესახებ ინფორმაციას, „როიტერსი“ ავრცელებს.

როგორც შიიტი ჰუსიტების მიერ კონტროლირებული ტელეკომპანია იუწყება, ქვეყნის დედაქალაქ სანაში კოალიციის სამხედრო ავიაციამ შვიდი საჰაერო რეიდი განახორციელა.

მანამდე საუდის არაბეთის სახელმწიფო მედიამ გაავრცელა ინფორმაცია, რომ ირანთან დაკავშირებულმა შიიტმა ჰუსიტებმა ქვეყნის წინააღმდეგ სამხედრო უპილოტო საფრენი აპარატები გაუშვეს, რომელთა მიზანი სამოქალაქო ობიექტებზე თავდასხმა იყო.

საუდის არაბეთის საჰაერო თავდაცვის სისტემამ საფრენი აპარატები გაანადგურა.

შეგახსენებთ, რომ საუდის არაბეთის მეთაურობით მოქმედი საერთაშორისო კოალიცია იემენელი ჰუსიტების წინააღმდეგ ომს 2015 წლიდან აწარმოებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი