Reuters-ის ინფორმაციით, აშშ-მა რუსეთს ალექსეი ნავალნის საქმის გამო სანქციები, შესაძლოა, დღეს დაუწესოს

2021-03-02 11:23:38, 632 ნახვა

მსოფლიო

ამერიკის შეერთებული შტატები ალექსეი ნავალნის მოწამვლის გამო რუსეთს სანქციებს, სავარაუდოდ, დღეს დაუწესებს, - ამის შესახებ ინფორმაციას Reuters-ი სანდო წყაროზე დაყრდნობით ავრცელებს.

წყაროს ინფორმაციით, აშშ ორი აღმასრულებელი ბრძანებით იმოქმედებს: 13661, რომელიც გამოიცა ყირიმში რუსეთის შეჭრის შემდეგ და მეორე, 13382, რომელიც 2005 წელს მასობრივი განადგურების იარაღის გავრცელებასთან ბრძოლის მიზნით გამოიცა.

ორივე ბრძანების მიხედვით, აშშ-ს ეძლევა საშუალება, სანქცირებულ პირებს გაუყინოს ამერიკული აქტივები და ამერიკულ კომპანიებსა და პირებს მათთან საქმის დაჭერა აუკრძალოს.

ამასთანავე, წყაროს ცნობით, ჯო ბაიდენის ადმინისტრაცია ასევე აპირებს მოქმედებას აშშ-ის ქიმიური და ბიოლოგიური იარაღის კონტროლისა და ომის აღმოფხვრის შესახებ 1991 წლის კანონის შესაბამისად.

Reuters-ი წყაროზე დაყრდნობით წერს, რომ სანქციების სამიზნე რამდენიმე კერძო პირი იქნება, თუმცა მან ეს პირები არ დაასახელა

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან