მმართველმა გუნდმა თორდია-ფარცხალაძის საქმეზე საპარლამენტო-საგამოძიებო კომისიის შექმნას ამ ეტაპზე მხარი არ დაუჭირა.
იურიდიულ საკითხთა კომიტეტის თავმჯდომარის ეკა ბესელიას განცხადებით, იმისათვის, რომ კონსტიტუციური ცვლილებების საყოველთაო-სახალხო განხილვას ხელი არ შეეშალოს და არ ჩაიშალოს შეხვედრები, შესაბამისი პრევენციული ზომების მიღება იქნება საჭირო.
სახელმწიფო აუდიტის სამსახურის უფროსის ლაშა თორდიას და ყოფილი მთავარი პროკურორის ოთარ ფარცხალაძის საქმეზე დაპირისპირების საქმეზე საგამოძიებო კომისიის შექმნის საკითხს პარლამენტის ბიუროს სხდომაზე დეპუტატებს შორის კამათი მოჰყვა.
"კანონში არ წერია, რომ კონსტიტუციური ორგანოს წარმომადგენლის მიმართ ჩადენილი რაიმე კანონსაწინააღმდეგო ქმედება ავტომატურად ექვემდებარება პარლამენტს, რაც იმას ნიშნავს, რომ გამოძიებას აქვს მაღალი ლეგიტიმაცია და მექანიზმი, მან ჩაატაროს ობიექტური გამოძიება",-ასე გამოეხმაურა იურიდიულ საკითხთა კომიტეტის თავმჯდომარე ეკა ბესელია თორდია-ფარცხალაძის საქმეზე მიმდინარე გამოძიებასა და საპარლამენტო-საგამოძიებო კომისიის შექმნის მოთხოვნას.
"მოხარული ვართ, რომ რუსეთიდან ტურისტული ნაკადები იზრდება. დიდი იმედი გვაქვს, ეს ტენდენცია გაგრძელდება",-ასე გამოეხმაურა პარლამენტის თავმჯდომარე ირაკლი კობახიძე რუსეთის საგარეო უწყების განცხადებას, რომლითაც თავის მოქალაქეებს საქართველოში გამგზავრებასთან დაკავშირებული რისკების შეფასებას ურჩევენ.
აშშ–ის პრეზიდენტის განცხადებით, მას ტერორიზმთან დაკავშირებული ინფორმაციის გაცემის სრული უფლება ჰქონდა. გარდა ამისა, ტრამპი მიესალმება რუსეთის წარმატებას ტერორიზმის წინააღმდეგ ბრძოლაში.
პარლამენტის თავმჯდომარის ირაკლი კობახიძის განცხადებით, საუბარია არა გამგებლის ინსტიტუტის გაუქმებაზე, როგორც ეს გავრცელდა, არამედ მხოლოდ გამგებლის სახელწოდების შეცვლაზე.
"სრულიად შეგნებულად გამოვიყენე ტერმინი კომუნისტები და კიდევ ერთხელ გავიმეორებ, რომ კომუნიზმი საქართველოში არ შეიძლება გახდეს ერთგვარი იდეოლოგიური მიმდინარეობა, რომელსაც რაიმე პერსპექტივა შეიძლება ჰქონდეს",-ასე განმარტა პარლამენტის თავმჯდომარე ირაკლი კობახიძემ კონსტიტუციური ცვლილებების სახალხო განხილვაზე მის მიერ ახალგაზრდების მიმართ გაკეთებული განცხადება.
კონსტიტუციური ცვლილებების საყოველთაო სახალხო განხილვა თბილისში რაიონების მიხედვით თვის ბოლოსთვის გაიმართება.
კონსტიტუციური ცვლილებების საყოველთაო სახალხო განხილვა დამატებით 10 მუნიციპალიტეტში გაიმართება.
ფრაქცია "საქართველოს პატრიოტების" წევრის ირმა ინაშვილის ინფორმაციით, კონსტიტუციური ცვლილებების საყოველთაო სახალხო განხილვის ჩატარება კიდევ რამდენიმე ქალაქში იგეგმება.
სლოვაკეთის პრეზიდენტმა ანდრეი კისკამ საქართველოს პრეზიდენტსა და პირველ ლედის მშობლიურ ქალაქ ლევოჩაში უმასპინძლა.
"პარლამენტის თავმჯდომარის მხრიდან იყო ადეკვატური რეაქცია, როდესაც მან მოუწოდა ასევე სტუდენტებს, რომ იარონ ილიას გზით",-ასე უპასუხა ფრაქცია "ქართული ოცნების" თავმჯდომარე მამუკა მდინარაძემ ჟურნალისტების შეკითხვას - მისაღები იყო თუ არა პარლამენტის თავმჯდომარის რეპლიკა სტუდენტების მიმართ, რომ ისინი არიან კომუნისტები, უცოდინრები და უნდა დადგომოდნენ ილიას გზას.
ფრაქცია "ქართული ოცნების" თავმჯდომარის მამუკა მდინარაძის განცხადებით, თბილისში კონსტიტუციური ცვლილებების საყოველთაო სახალხო განხილვა აუცილებლად გაიმართება.
,,ვთვლით, რომ ამ ყველაფერში აუცილებლად უნდა ჩაერთოს პარლამენტი, სხვა მხრივ ობიექტური ჭეშმარიტების დადგენა ნამდვილად ვერ მოხდება’’, - ამის შესახებ „მოძრაობა თავისუფლებისთვის - ევროპული საქართველოს“ წევრმა ირმა ნადირაშვილმა გენერალურ აუდიტორ ლაშა თორდიაზე მომხდარ თავდასხმასთან დაკავშირებით დღეს გამართულ პრესკონფერენციაზე განაცხადა.
სლოვაკეთში საქართველოს პრეზიდენტის ოფიციალური ვიზიტის ფარგლებში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ ორმხრივი შეხვედრები გამართა სლოვაკეთის თავდაცვის მინისტრ პეტერ გაიდოშთან და საგარეო და ევროპულ საქმეთა სამინისტროს სახელმწიფო მდივან ივან კორჩოკთან.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
