საქართველოს იუსტიციის სამინისტროს სსიპ „დანაშაულის პრევენციის ცენტრში“ ახალგაზრდული პროგრამა „ლიდერთა სახლის“ მოსწავლეებისთვის პროექტი „სემინარები ექსპერტიზის შესახებ“ დასრულდა.

პროექტი  სსიპ „ლევან სამხარაულის სახელობის სასამართლო ექსპერტიზის ეროვნულ ბიუროსთან“ ერთად 1-ელი ივნისიდან  5 ივნისამდე მიმდინარეობდა. 

პროექტის ფარგლებში  თბილისის საჯარო სკოლებიდან შერჩეულ  15 მოსწავლეს  ბიუროს ექსპერტებმა ჩაუტარეს სემინარები სპეციალობების მიხედვით.

სემინარები შეეხებოდა ისეთ თემატიკას  როგორიცაა,   საინფორმაციო ტექნოლოგიები და კომპიუტერული ექსპერტიზა, ქიმიურ - ნარკოლოგიური ექსპერტიზა, დოკუმენტების ტექნიკური და ხელწერის ექსპერტიზა, დაქტილოსკოპია. ლექციების შემდეგ პროექტის მონაწილეები სასწავლო ვიზიტით ეწვივნენ ლევან სამხარაულის სახელობის სასამართლო ექსპერტიზის ეროვნულ ბიუროს და ადგილზე მოინახულეს ის ლაბორატორიები და ტექნიკური აღჭურვილობა, რომელთა დახმარებითაც ხდება მტკიცებულებების გამოკვლევა.

ახალგაზრდებს საშუალება ჰქონდათ აეღოთ ნიმუშებიც. მონაწილეები ასევე შეხვდნენ სტაჟიორ-ექსპერტებს,რომლებმაც გაუზიარეს საკუთარი შეხედულებები, ისაუბრეს ექსპერტის პროფესიაზე და პერსპექტივებზე ამ სფეროში.

„ლიდერთა სახლი“ იუსტიციის სამინისტროს დანაშაულის პრევენციის ცენტრის ახალგაზრდული პროგრამაა, რომელიც საქართველოს 13 ქალაქში მიმდინარეობს. მისი მიზანია ახალგაზრდებში სამართლებრივი და სამოქალაქო ცნობიერების ამაღლება, მოხალისეობრივი კულტურისა და ჯანსაღი ცხოვრების წესის პოპულარიზაცია.

დანაშაულის პრევენციის ცენტრში პროექტი „სემინარები ექსპერტიზის შესახებ“ მოსწავლეების თხოვნით უკვე მეორედ განხორციელდა.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: სწორად მიგაჩნიათ, სახელმწიფომ დიუშენის სინდრომის მქონე ბავშვებისთვის შეიძინოს პრეპარატი, რომელზეც თავად მწარმოებელი ვერ იღებს პასუხისმგებლობას?

სუს-მა ბათუმში ტერორისტული ორგანიზაციის ორი წევრი დააკავა

კალაძე ცოტნე ივანიშვილის მოწოდების მიუხედავად ოპონენტებს მოღალატეებს ეძახის

საია-მ 2024 წლის აქციების დროს მომხდარ წამების შემთხვევებზე სტრასბურგს საჩივარი წარუდგინა