2015-06-05 10:55:30, 375 ნახვა
საზოგადოება
პრემიერი კახი კავსაძეს 80 წლის იუბილეს ულოცავს
საქართველოს პრემიერ-მინისტრი ირაკლი ღარიბაშვილი მსახიობ კახი კავსაძეს 80 წლის იუბილეს ულოცავს და გაწეული ღვაწლისთვის მადლობას უხდის.
„თქვენი პროფესიონალიზმის, პიროვნული ხიბლის დამსახურებაა ხალხის ისეთი გულწრფელი და საყოველთაო სიყვარული, რომლითაც თქვენ სარგებლობთ. ხალხის სიყვარულზე დიდი და საპატიო ჯილდო კი, არ არსებობს. ბატონო კახი, მადლობას გიხდით გაწეული ღვაწლისთვის, იმ სიამოვნებისთვის, რასაც დღემდე თქვენი შემოქმედება გვანიჭებს. კიდევ ერთხელ გილოცავთ დაბადების დღეს, გისურვებთ ჯანმრთელობას, დიდხანს სიცოცხლესა და შემოქმედებით წარმატებებს“, - ნათქვამია ირაკლი ღარიბაშვილის მილოცვაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
