საქართველოს მესამე პრეზიდენტი მიხეილ სააკაშვილი ვარშავაში პრესკონფერენციას გამართავს, - ამის შესახებ NewsOne იუწყება.

მედია საშუალების ინფორმაციით, პოლიტიკოსის პრესკონფერენცია თბილისის დროით 16:00 საათზეა დაგეგმილი.

მანამდე სააკაშვილმა განაცხადა, რომ ის უკრაინაში დაბრუნებას აპირებს.

"რა თქმა უნდა მე უკრაინაში დავბრუნდები და აუცილებლად მოვნახავ ხერხს, რომ ეს გავაკეთო", - განაცხადა ყოფილმა პრეზიდენტმა ტელეკომპანია ZIK-ის ეთერში.

მისივე თქმით, ის უკრაინაში ლეგალური გზით დაბრუნდება.

შეგახსენებთ, რომ 12 თებერვალს კიევის ერთ-ერთ რესტორანში საქართველოს მესამე პრეზიდენტი მიხეილ სააკაშვილი სპეცრაზმელებმა დააკავეს. ამის შემდეგ ყოფილი პრეზიდენტი პოლონეთში გააძევეს და განაცხადეს, რომ მას უკრაინის ტერიტორიაზე ლეგალურად ყოფნის საფუძველი არ ჰქონდა. თავად სააკაშვილი გაძევებას პოლიტიკურ დევნად აფასებს და აცხადებს, რომ ეს ვლადიმერ პუტინის, პეტრო პოროშენკოს და ბიძინა ივანიშვილის ერთობლივი გადაწყვეტილებაა.

ავტორი: ,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა