Time-მა სააკაშვილი ძებნილი პოლიტიკური ფიგურების ხუთეულში შეიყვანა

2018-01-31 14:18:51, 2398 ნახვა

მსოფლიო

ამერიკულმა ჟურნალმა Time-მა მსოფლიოს 2018 წლის ხუთი "ყველაზე ძებნილი" პოლიტიკოსის სია გამოაქვეყნა, რომელშიც საქართველოს ყოფილი პრეზიდენტი მიხეილ სააკაშვილიც არის შეყვანილი.

როგორც გამოცემა წერს, სააკაშვილმა გაქცევა მაშინაც კი, მოახერხა, როდესაც სამართალდამცველებმა ის სახლის სახურავზე დააკავეს.

"დასავლეთში განათლების მიღების შემდეგ მიხეილ სააკაშვილი საქართველოში ხავერდოვანი რევოლუციის ერთ-ერთი ლიდერი გახდა. ამის შემდეგ მან საქართელოს პრეზიდენტის პოსტი დაიკავა (2004-2013 წლებში). ადამიანის უფლებების დარღვევებსა და გაფლანგვაში ბრალდებების ფონზე მან თანამდებობა დატოვა და ამერიკის შეერთებულ შტატებში გაემგზავრა. 2015 წელს სააკაშვილმა უკრაინის პრეზიდენტის პეტრო პოროშენკოსგან ოდესის ოლქის გუბერნატორის პოსტის დაკავებასთან დაკავშირებით შეთავაზება მიიღო, რათა ოლქში საჭირო რეფორმები ჩაეტარებინა. მან უარი თქვა საქართველოს მოქალაქეობაზე და უკრაინის მოქალაქეობა მიიღო.

2016 წლის ნოემბერში სააკაშვილმა გუბერნატორის პოსტი დატოვა და პრესკონფერენცია გამართა, სადაც პეტრო პოროშენკო კორუფციისა და ოდესაში ნადაშაულებრივი დაჯგუფებების მხარდაჭერაში დაადანაშაულა. ამან, უკრაინის მმართველ ელიტაში მისი გულშემატკივრების რიცხვი რა თქმა უნდა ვერ გაზარდა და სააკაშვილი კრიმინალური დაჯგუფების მხარდაჭერისთვის, რომელსაც უკრაინის ყოფილი პრო-რუსი პრეზიდენტი ვიქტორ იანუკოვიჩიბ მართავს, ბრალი წაუყენეს. პოროშენკომ მას უკრაინის მოქალაქეობა გასული წლის ივლისში ჩამოართვა და სააკაშვილი აპატრიდი გახდა.

გასული წლის დეკემბერში ინტერნეტში გავრცელდა ვიდეო, თუ როგორ ცდილობს სააკაშვილი კიევში პოლიციისგან გაქცევას სახურავზე. ამის მიუხედავად პოლიციამ ის დააკავა, თუმცა მხარდამჭერებმა ის ავტომობილი სადაც სააკაშვილი იჯდა ალყაში მოაქციეს და მისი გათავისუფლება შეძლეს", - წერს Time.

ცნობისთვის, სიაში ასევე: კატალონიის ყოფილი ლიდერი კარლეს პუჩდემონი, Wikileaks-ის დაფმუძნებელი ჯულიან ასანჟი, მუსლიმი მქადაგებელი ფეთჰულა გიულენი და კოსოვოს ყოფილი პრემიერ-მინისტრი რამუშ ჰარადინაჯი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები