გერმანიაში კბილის ჯაგრისების ქურდობის ბრალდებით, საქართველოს 2 მოქალაქე დააკავეს

2018-01-31 14:17:57, 2321 ნახვა

მსოფლიო

გერმანიაში ქურდობის ბრალდებით საქართველოს 2 მოქალაქე დააკავეს, - ამის შესახებ Nokzeit იუწყება.

მედია საშუალების ინფორმაციით, საქართველოს მოქალაქეებს კბილის ჯაგრისებისა და პირის ღრუს მოვლის სხვა საშუალებების ქურდობას ედავებიან. ქურდობა ქალაქ ედერბახში მდებარე ერთ-ერთ მაღაზიაში მოხდა. მათი დაკავება ქალაქის პროკურატურის მოთხოვნით განხორციელდა.

მედიის ცნობით, მოპარული ნივთების საერთო ღირებულება 574 ევროს შეადგენს. საგამოძიებო მასალების თანახმად, დაკავებულებს სურდათ „ამ და სხვა სახის ქურდობა საკუთარი მუდმივი შემოსავლის წყაროდ ექციათ“.

დაკავება 21 იანვარს მარაზიაში მოხდა. მათი პირადი ნივთების ჩხრეკისას, სამართალდამცველებმა მოპარული ნივთები აღმოაჩინეს.

სამართალდამცველები დაკავებულების ვინაობას არ ასახელებენ, თუმცა ცნობილია მათი ასაკი - 22 წლის და 25 წლის. საქართველოს მოქალაქეების წინასწარი პატიმრობა აქვთ შეფარდებული.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები