დედოფლისწყაროს მუნიციპალიტეტის სოფელ არხილოსკალოში მიწის ნაკვეთებზე უფლებათა სისტემური რეგისტრაციის თემაზე ადგილობრივ მოსახლეობასთან  შეხვედრა გაიმართა.

მიწის სისტემური რეგისტრაციის საპილოტო პროექტის ფარგლებში გამართულ შეხვედრაზე საჯარო რეესტრის ეროვნული სააგენტოს წარმომადგენლებმა  ადგილობრივებს მიწის რეგისტრაციის პროცედურების  შესახებ ინფორმაცია გააცნეს.

მსოფლიო ბანკის მიერ დაფინანსებული „ირიგაციისა და მიწის ბაზრის განვითარების პროექტის" მიწის ბაზრის განვითარების კომპონენტის მენეჯერმა,  ელენე გრიგოლიამ და SIDA-ს პროექტის სამუშაო კომპონენტის ხელმძღვანელმა, ლაშა ექიზაშვილმა მიწის რეგისტრაციის საკონონმდებლო და ტექნიკური დეტალები განიხილეს. მათ არხილოსკალოს მცხოვრებთა კითხვებსაც უპასუხეს.

არხილოსკალო კახეთის რეგიონში მესამე სოფელია, სადაც საპილოტო პროექტი ხორციელდება. ტექნიკური სამუშაოები უკვე დასრულებულია გურჯაანის მუნიციპალიტეტის სოფელ ჯიმითსა და საგარეჯოს მუნიციპალიტეტის სოფელ მზისგულში. ამ ეტაპზე მიმდინარეობს სარეგისტრაციო წარმოება.

მიწის სისტემური რეგისტრაციის საპილოტო პროექტი მიმდინარე წლის ივლისში დაიწყო და საქართველოს მასშტაბით 12 დასახლებაში განხორციელდება. პროექტის ფარგლებში, სრულად დარეგისტრირდება კერძო, სახელმწიფო და მუნიციპალიტეტის საკუთრებაში არსებული მიწის ნაკვეთები, შეიქმნება მონაცემთა ერთიანი ბაზა და გასწორდება საკადასტრო მონაცემები. რეგისტრაციასთან დაკავშირებულ მომსახურებებს მოქალაქეები უფასოდ მიიღებენ.

(NS)

ავტორი: ,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს