საქართველოს ელჩი ნეპალში იმყოფება

2015-04-28 11:15:44, 357 ნახვა

პოლიტიკა

საქართველოს ელჩი ინდოეთის რესპუბლიკაში, აკრედიტებული ტაილანდის სამეფოში, შრი-ლანკის დემოკრატიულ სოციალისტურ რესპუბლიკაში, ბანგლადეშის სახალხო რესპუბლიკასა და ნეპალის ფედერაციულ დემოკრატიულ რესპუბლიკაში, ლევან ნიჟარაძე კატმანდუში იმყოფება.

ინფორმაციას საგარეო საქმეთა სამინისტრო ავრცელებს.

უწყების ცნობით, ელჩი ნეპალში გუშინ გვიან ღამით ჩავიდა რათა ადგილზე გაეცნოს იქ მყოფი ქართველების მდგომარეობას. დღეს ელჩი შეხვედრას გამართავს ნეპალში მდებარე გაერო-ს ოფისში და ასევე შეეცდება კონტაქტზე გავიდეს იმ ქართველთა ტურისტულ ჯგუფთან, რომელიც გავრცელებული ინფორმაციით პოხარაში იმყოფებიან.

შეგახსენებთ რომ ნეპალში მიწისძვრის შემდეგ საქართველოს საგარეო საქმეთა სამინისტრომ გაავრცელა განცხადება სადაც მითითებული იქნა ინდოეთში საქართველოს საელჩოს ცხელი ხაზი იმისათვის, რომ ნეპალში მყოფი საქართველოს მოქალაქეები საჭიროების შემთხვევაში დაკავშირებოდნენ საელჩოს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან