საქართველოს პრეზიდენტი გიორგი მარგველაშვილი ირანის ისლამური რესპუბლიკის საგარეო საქმეთა მინისტრს მოჰამად ჯავად ზარიფს შეხვდა.

პრეზიდენტის ადმინისტრაციის პრესსამსახურის ინფორმაციით, გიორგი მარგველაშვილმა სტუმარს საქართველოს ოკუპირებულ ტერიტორიებზე შექმნილი ვითარების შესახებ ინფორმაცია მიაწოდა  და აფხაზეთში რუსეთის ფედერაციის საგარეო საქმეთა მინისტრის ვიზიტისა და ე.წ საელჩოს გახსნის შესახებ აღშფოთება გამოთქვა.

მათივე ინფორმაციით, ირანის საგარეო საქმეთა მინისტრმა საქართველოს პრეზიდენტს კიდევ ერთხელ დაუდასტურა საქართველოს ტერიტორიული მთლიანობისა და სუვერენიტეტის მხარდაჭერა, თავის მხრივ კი, საქართველოს პრეზიდენტმა მადლობა გადაუხადა სტუმარს გამოხატული მხარდაჭერისათვის.

მხარეებმა ვრცლად ისაუბრეს ეკონომიკური ურთიერთობების გაღრმავების შესახებ და კიდევ ერთხელ გაესვა ხაზი საქართველოს გეოპოლიტიკური როლის მნიშვნელობას აღნიშნული ურთიერთობების განვითარების საკითხებში.

შეხვედრაზე საუბარი შეეხო ასევე რეგიონულ თანამშრომლობას საქართველო-ირანი-აზერბაიჯანის კონტექსტში და საქართველოს სატრანზიტო ფუნქციების გააქტიურებას.

გიორგი მარგველაშვილს ირანის საგარეო საქმეთა მინისტრმა ირანის ისლამური რესპუბლიკის პრეზიდენტის მოწვევა გადასცა.

„ჩვენ ამ რეგიონს ვუყურებთ, როგორც თანამშრომლობის რეგიონს და ნებისმიერი სახის სავაჭრო-ეკონომიკური ურთიერთობა, რა თქმა უნდა, სტაბილურობას შეუწყობს ხელს.  ამ მიმართულებით უნდა გავააქტიუროთ ჩვენი თანამშრომლობა, როგორც ორმხრივ ურთიერთობებში, ასევე მრავალმხრივ ფორმატებში", - აღნიშნა შეხვედრის დასრულების შემდეგ ეროვნული უშიშროების საბჭოს მდივანმა დავით რაქვიაშვილმა, რომელიც შეხვედრას საქართველოს პრეზიდენტის ადმინისტრაციის უფროსთან გიორგი აბაშიშვილთან, საგარეო საქმეთა მინისტრ მიხეილ ჯანელიძესთან და პოლიტიკურ მდივან ფიქრია ჩიხრაძესთან ერთად ესწრებოდა.

შეხვედრას ესწრებოდნენ ასევე, ირანის სავაჭრო პალატის და სახელმწიფოს ეკონომიკური ბლოკის წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამბობს, რომ დიუშენით დაავადებული ბავშვებისთვის არც 1 და არც 50 თეთრი არ ენანება, თუმცა ფარმაცევტულ მაფიაზე მტკიცებულებების გარეშე საუბრობს

მაკა ბოჭორიშვილი: უკრაინასთან ურთიერთობები ორმხრივი უნდა იყოს

ელენე ხოშტარია - მთელი გულით და გონებით მიხარია სომხეთის ასეთი გარღვევა

კობახიძემ ერევანში სააკაშვილი და ოპოზიციის ალიანსი გალანძღა