საქართველოს უმეტეს ტერიტორიაზე 14-15 აპრილს ნალექია მოსალოდნელი.

გარემოს ეროვნული სააგენტოს ინფორმაციით, დღეს დედაქალაქ თბილისში იწვიმებს, ჰაერი +13 გრადუსამდე გათბება. 15 აპრილს უმეტესად უნალექო ამინდსა და +17 გრადუს სითბოს პროგნოზირებენ, 16 აპრილს შესაძლებელია ხანმოკლე წვიმა ელჭექით, 17 აპრილს უმეტესად უნალექო ამინდი და +22 გრადუსი სითბო იქნება.

აღმოსავლეთ საქართველოს  ბარში დღეს +22 გრადუსი სითბო იქნება, თუმცა იწვიმებს, ზოგან ძლიერად, 15 აპრილს ზოგიერთ რაიონში ხანმოკლე წვიმაა მოსალოდნელი ელჭექით, 16 აპრილს 17 გრადუსი და ზოგან ხანმოკლე წვიმა იქნება, 17 აპრილს ჰაერი +23 გრადუსამდე გათბება, თუმცა ზოგან იწვიმებს.

17 აპრილის ჩათვლით, ასევე ნალექიანი ამინდებია ნავარაუდევი აღმოსავლეთ საქართველოს მთიან რაიონებშიც. რაც შეეხება აღმოსავლეთ საქართველოს მაღალმთიან რაიონებს, 17 აპრილის ჩათვლით თოვლჭყაპია მოსალოდნელი.

დასავლეთ საქართველოს ბარში დღეს და ხვალ იწვიმებს, 16-17 აპრილს კი უნალექო ამინდს პროგნოზირებენ, ჰაერი +26 გრადუსამდე გათბება. ასეთივე ამინდია მოსალოდნელი დასავლეთ საქართველოს მთიან რაიონებშიც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - მთელი გულით და გონებით მიხარია სომხეთის ასეთი გარღვევა

კობახიძემ ერევანში სააკაშვილი და ოპოზიციის ალიანსი გალანძღა

ზელენსკი კობახიძესთან შეხვედრაზე - ჩვენს ქვეყნებს შორის გადაუჭრელი საკითხები მართლაც არსებობს

კობახიძე ისევ რევოლუციის მცდელობებზე საუბრობს და ევროპულ ლიდერებს ადანაშაულებს