2017-03-08 23:02:47, 1360 ნახვა
საზოგადოება
დიდ დიღომში სროლას 53 წლის მამაკაცი ემსხვერპლა
ცოტა ხნის წინ დიდ დიღომში, დიმიტრი თავდადებულის 22 ნომერთან სროლა იყო.
"რუსთავი 2"-ის ინფორმაციით, დაიჭრა 53 წლის მამაკაცი, რომელიც კლინიკაში მიყვანის შემდეგ გარდაიცვალა. ექიმის ინფორმაციით, პაციენტი კლინიკაში მრავლობითი ცეცხლნასროლი ჭრილობებით შეიყვანეს.
შემთხვევის ადგილზე კრიმინალისტები მუშაობენ.
ადგილზე ნაპოვნია დაცხრილული მანქანა. მომხდარის მოტივი და დეტალები ამ დროისთვის უცნობია.
მომხდარს შინაგან საქმეთა სამინისტრო ჯერ არ გამოხმაურებია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
