იუსტიციის მინისტრის თეა წულუკიანის მოადგილედ გიორგი პატარიძე დაინიშნა. მინისტრის მოადგილის თანამდებობა ვაკანტური მას შემდეგ გახდა, რაც ალექსანდრე ტაბატაძე სახელმწიფო უსაფრთხოების სამსახურის უფროსის მოადგილედ გადავიდა.

გიორგი პატარიძე პროფესიით სახელმწიფო მმართველობის სპეციალისტია. იუსტიციის მინისტრის მოადგილედ დანიშვნამდე ის სახელმწიფო სერვისების განვითარების სააგენტოს თავმჯდომარის მოვალეობას ასრულებდა; იყო საქართველოს საკანონმდებლო მაცნეს თავმჯდომარე, მუშაობდა აღსრულების ეროვნულ ბიუროში.

სახელმწიფო უწყებების გარდა, გიორგი პატარიძეს აქვს კერძო სექტორში მუშაობის წარმატებული გამოცდილებაც; ფლობს ინგლისურ, რუსულ და თურქულ ენებს.

იუსტიციის სამინისტროში გიორგი პატარიძე კურატორობას გაუწევს სამინისტროს ეკონომიკურ დეპარტამენტს, აგრეთვე, სამინისტროს მმართველობის სფეროში მოქმედი  სსიპ-ების − „საქართველოს საკანონმდებლო მაცნეს“, „საქართველოს იუსტიციის სასწავლო ცენტრს“, „სახელმწიფო სერვისების განვითარების სააგენტოს“, „მონაცემთა გაცვლის სააგენტოს“, „სმართ ლოჯიქის“ − საქმიანობას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა