საქართველოს საგარეო საქმეთა მინისტრმა მიხეილ ჯანელიძემ ბელარუს კოლეგა ვლადიმირ მაკეისთან ერთად საქართველოში ბელარუსის საელჩოს გახსნის ოფიციალურ ცერემონიაში მიიღო მონაწილეობა. ამის შესახებ "ექსპრენიუსს" საგარეო უწყებიდან აცნობეს.

მათი ინფორმაციით, საზეიმო ცერემონიაზე დამსწრე საზოგადოებას მისასალმებელი სიტყვით მიმართეს საგარეო საქმეთა მინისტრებმა. მათ კმაყოფილებით აღნიშნეს ორ ქვეყანას შორის არსებული მჭიდრო ურთიერთობების კიდევ უფრო გაღრმავების პროცესში თბილისში ბელარუსის საელჩოს გახსნის მნიშვნელობა. სიტყვით გამოსვლისას საქართველოს საგარეო უწყების ხელმძღვანელმა მიმოიხილა საქართველო-ბელარუსის ორმხრივი ურთიერთობები, როგორც პოლიტიკური, ასევე სავაჭრო-ეკონომიკური, კულტურული და ტურისტული მიმართულებით.

„ბელარუსის საელჩოს გახსნა საქართველოში ადასტურებს ბელარუსის ძალიან დიდ ინტერესს კიდევ უფრო აქტიურად განვითარდეს როგორც ორმხრივი ურთიერთობები, ასევე  თანამშრომლობა რეგიონალურ და საერთაშორისო ფორმატებში; გავაძლიეროთ ჩვენი ეკონომიკური კავშირები, ხალხთაშორისი კონტაქტები და კულტურული დიალოგი. ორმხრივი ურთიერთობები ჩვენს ქვეყნებს შორის შესამჩნევად ღრმავდება. ამ ყველაფერს კიდევ უფრო მეტი იმპულსი ეძლევა დღეს ამ ძალიან მნიშვნელოვანი ცერემონიით" - განაცხადა მიხეილ ჯანელიძემ საელჩოს გახსნის ღონისძიებებზე.

მიხეილ ჯანელიძემ საელჩოს გახსნა ასევე მიულოცა ბელორუსის ელჩს საქართველოში მიხეილ მიატლიკოვს და მას წარმატება უსურვა მომავალ საქმიანობაში.

ბელორუსის საელჩოს გახსნის ცერემონიას ესწრებოდნენ მოწვეული სტუმრები, მათ შორის საკანონმდებლო და აღმასრულებელი ხელისუფლებისა და ბიზნეს წრეების წარმომადგენლები. ბელორუსის საელჩო მდებარეობს თბილისში მისამართზე - ა. მეგრელაძის ქ. 5.

აღსანიშნავია, რომ თბილისში ბელორუსის საელჩოს გახსნის გადაწყვეტილება მიღებული იქნა 2015 წელს ბელორუსის პრეზიდენტის ალექსანდრ ლუკაშენკოს საქართველოში ვიზიტის დროს.

ბელარუსის რესპუბლიკის საგარეო საქმეთა მინისტრი საქართველოს ორდღიანი ოფიციალური ვიზიტით ეწვია. ვიზიტის ფარგლებში მან შეხვედრები გამართა აღმასრულებელი და საკანონდებლო ხელისუფლების წარმომადგენლებთან და საქართველოს კათოლიკოს-პატრიარქთან. ვლადიმერ მაკეიმ ასევე მოინახულა საოკუპაციო ხაზთან მდებარე სოფელი ხურვალეთი და პატივი მიაგო საქართველოს ერთიანობისათვის დაღუპულ გმირთა მემორიალს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო