ციხელაშვილი: უვიზო მიმოსვლა ბევრი ადამიანისთვის მომავლის უკეთეს პერსპექტივას უკავშირდება

2016-12-09 18:01:42, 1531 ნახვა

პოლიტიკა

შერიგებისა და სამოქალაქო თანასწორობის საკითხებსი სახელმწიფო მინისტრის ქეთევან ციხელაშვილის შეფასებით, შეჩერების მექანიზმის დამტკიცების თაობაზე ძალიან მნიშვნელოვანი გადაწყვეტილება მიიღეს.

მისივე თქმით, პრაქტიკულად ტექნიკური ბარიერი მოხსნილია:

„შესაბამისად, იქიდან გამომდინარე, რომ საქართველოს სრულფასოვნად აქვს შესრულებული ყველა მოთხოვნა ვიზის ლიბერალიზაციის სამოქმედო გეგმის ფარგლებში და ამაზე არსებობს აბსოლუტური კონსენსუსი, ჩვენ ველოდებით, რომ ძალიან მალე, ყველა შესაბამისი პროცედურის გავლის შემდგომ, საქართველოს მოქალაქეებს უკვე რეალურად მიეცემათ ევროკავშირთან უვიზოდ მიმოსვლის პერსპექტივა. ეს არის პირველ რიგში ხელშესახები სარგებელი ევროკავშირთან ინტეგრაციის პროცესში. მეორე, ეს არის ძალიან მნიშვნელოვანი პოლიტიკური გზავნილი ჩვენი პარტნიორების მხრიდან, რომ ეს არის წარმატებული პროცესი და წარმატებული თანამშრომლობა, ჩვენთვის განსაკუთრებით მნიშვნელოვანია ის, რომ ყველა შემდგომი წარმატებული ნაბიჯი ევროკავშირთან ინტეგრაციის გზაზე, ხელმისაწვდომს ხდის ახალ სარგებელს და ჩვენ მზად ვართ, ეს სარგებელი, გულისხმობს ეს მიმოსვლის თავისუფლებას, თუ ასოცირების შეთანხმებიდან გამომდინარე სხვადასხვა სარგებელს, ხელმისაწვდომი გავხადოთ, აფხაზეთისა და ცხინვალის რეგიონში მაცხოვრებელი ჩვენი მოსახლეობისათვის. დღეს ჩვენ ვსაუბრობთ სწორედ უვიზო მიმოსვლაზე, რომელიც ბევრი ადამიანისათვის უკავშირდება მომავლის უკეთეს პერსპექტივას. შვილების უკეთეს მომავალს და ვსაუბრობთ იმ მოსახლოებაზე, რომელსაც დღეს ოკუპირებულ ტერიტორიებზე ხშირად რამდენიმე მეტრში გადადაგილების პრობლემა აქვს მავთულხლართების და სხვადასხვა დაბრკოლებების გამო. ამიტომ, ვფიქრობ, ძალიან ფასეულია და ძალიან ღირებულია სწორედ ასეთი განსხვავებული ალტერნატივის შეთავაზება და ეს არის ის მომავალი ზოგადად, რომელსაც ჩვენ მოვიაზრებთ ყველა ჩვენი მოქალაქისათვის, მთლიანად საქართველოსათვის და ძალიან განსხვავდება აფხაზეთისა და ცხინვალის რეგიონში მიმდინარე პროცესებისგან, ვგულისხმობ განგრძობით ოკუპაციასა და დე-ფაქტო ანექსიას რუსეთის მხრიდან”,-განაცხადა ქეთევან ციხელაშვილმა.