თსუ-ს საარჩევნო კომისიის თავმჯდომარე: თვითმმართველობის არჩევნები შემდგარია

2016-11-25 21:14:19, 872 ნახვა

საზოგადოება

თბილისის სახელმწიფო უნივერსიტეტის სტუდენტური თვითმმართველობის არჩევნების ცენტრალური კომისიის თავმჯდომარის დემეტრე ეგნატაშვილის განცხადებით, არჩევნები შედგა და ის ლეგიტიმურია ყველა უბანზე.

ეგნატაშვილის თქმით, უკვე არჩეულია 14 დელეგატი, რომლებიც ერთი კვირის ვადაში თვითმმართველობის პრეზიდენტს აირჩევენ.

„არჩევნები შედგა და არის ლეგიტიმური. საჩივრებს რაც შეეხება, იყო აგიტაციასთან დაკავშირებით საჩივარი ერთ-ერთ უბანზე. 13 უბნიდან, შეუფერხებლად იმუშავა 4 უბანმა, ერთი მათგანი შეფერხდა მცირე ხნით, რვა უბანი იყო რამდენიმე საათის განავლობაში პიკეტრირებული, ეს არის წესების დარღვევა, რაზეც ალბათ შესაბამისი უწყებები მოახდენენ რეაგირებას“,-აღნიშნა ეგნატიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან