ფრაქცია „საქართველოს პატრიოტები“ მიიჩნევენ, რომ კიბერდანაშაული სისხლის სამართლის დანაშაულთან უნდა გათანაბრდეს.  

ფრაქციის წევრმა, ვიცე-სპიკერმა ირმა ინაშვილმა შინაგან საქმეთა მინისტრ გიორგი მღებრიშვილს ასევე კითხვა დაუსვა, ხომ არ ფიქრობს, რომ კიბერდანაშაულის წინააღმდეგ ბრძოლის სამმართველოს  ფუნქციური დატვირთვა უნდა შეიცვალოს:

„დღეს ჩვენ ვსაუბრობთ, რომ უნდა იყოს დაცული ადამიანის უფლებები, მაგრამ სამწუხაროდ ადამიანის უფლებების დაცვა საზოგადოების რაღაც ნაწილს ესმის მხოლოდ როგორც სექსუალური უმცირესობების დაცვა. ეს ასე არ არის. როცა ადამიანის პირად ღირსებას ეხებიან, ესეც ადამიანის უფლებების შელახვაა. სრული განუკითხაობაა ინტერნეტსივრცეში, კიბერდანაშაულის, ინტერნეტდანაშაულის კუთხით. ეს არ არის მხოლოდ საქართველოს პრობლემა, მაგრამ აუცილებელია კიბერდანაშაულიც იყოს გათანაბრებული სისხლის სამართლის დანაშაულთან, ჩვენ ამ კანონპროექტს შევთავაზებთ პარლამენტს. როცა მე მემუქრებიან, ესეც არის სისხლის სამართლის დანაშაული. მნიშვნელობა არ აქვს,  ქუჩაში მემუქრებიან, თუ ინტერნეტსივრცეში. მე ვარ ის ადამიანი, ვინც უკიდეგანო ლანძღვა-გინების და ფურთხის ობიექტი ვიყავი 12 წლის მანძილზე, ვისთვისაც ძალიან ძნელი იყო პოლიტიკაში შემოსვლა და დამკვიდრება. ვინც იყო ათასგვარი ცილისწამების, დარტყმების  ობიექტი და ამას ბევრი ვერ გაუძლებს, ადამიანი  თვითმკვლელობამდე მივა ღირსების ისეთ შელახვასთან გვაქვს ჩვენ საქმე. ეს ეხება ყველა სფეროს“,-განაცხადა ირმა ინაშვილმა ფრაქცია „საქართველოს პატრიოტების“ სხდომაზე, სადაც მთავრობის ახალ შემადგენლობას ხვდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით