საქართველოს პარლამენტში  ფრაქცია „საქართველოს პატრიოტების“ სხდომა მიმდინარეობს. 

„საქართველოს პატრიოტები“ მთავრობის ახალ შემადგენლობას ხვდებიან. ამწუთებში, პრემიერ-მინისტრობის კანდიდატი გიორგი კვირიკაშვილი მათ სამთავრობო პროგრამას აცნობს. თავდაპირველად, გიორგი კვირიკაშვილმა „საქართველოს პატრიოტთა ალიანსის“ წევრებს საპარლამენტო არჩევნებში გამარჯვება მიულოცა  და ნაყოფიერი საქმიანობა უსურვა.

პრემიერობის კანდიდატმა იმედი გამოთქვა, რომ თანამშრომლობა კონსტრუქციულ რეჟიმში წარიმართება.

„მოგეხსენებათ, რომ გასული 4 წელი ძირითად ფოკუსირებული იყო ადამიანის ძირითადი უფლებებისა და თავისუფლებების უზრუნველყოფის მიმართულებით. მათ შორის ეკონომიკური პოლიტიკაც წარიმართა იმგვარად, რომ დაცული ყოფილიყო ძირითადი სოციალური უფლებები და ეკონომიკური ზრდა ყოფილიყო დაბალანსებული ადამიანების ძირითადი საბაზისო უფლებების უზრუნველყოფით, როგორიც არის ჯანდაცვა და სოციალური უზრუნველყოფა. სამომავლოდ, ჩვენი ქვეყნის სწრაფი განვითარების დღის წესრიგი განსაზღვრას ახალ ამოცანებს და ამ ამოცანებიდან გამომდინარე, შედგენილი იქნა რეფორმათა 4 პუნქტიანი გეგმა, რომელიც პასუხობს დღევანდელობის გამოწვევებს, სწრაფი ეკონომიკური ზრდის მოთხოვნებს. შემდეგი 4 წლის განმავლობაშიც ეკონომიკური ზრდის დაბალანსსებას შევეცდებით, სოციალური საჭიროებების უზრუნველყოფის მიმართულებით“,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით