უახლოესი დღეების განმავლობაში საქართველოს მასშტაბით არამდგრადი ამინდებია მოსალოდნელი.

როგორც „ექსპრესნიუსს“ გარემოს ეროვნული სააგენტოს გრძელვადიანი პროგნოზების ბიუროს უფროსის მოადგილემ, ნინო წვერავამ განუცხადა, დასავლეთ საქართველოში დროგამოშვებით ღრუბლიანობა მოიმატებს, ზოგან მოსალოდნელია ხანმოკლე წვიმა-ელჭექით. ჰაერის ტემპერატურა დღისით +22 +27 გრადუსი იქნება ღამით კი, +13 +18.

ღრუბლიანობა მოიმატებს აღმოსავლეთ საქართველოშიც, ჰაერის ტემპერატურა კი ბარში ღამით +10 +15 გრადუსი, ხოლო დღისით +15 +20 გრადუსი იქნება.  

უახლოესი დღეების ამინდის პროგნოზი კი ასეთია:

14-ოქტომებრი:  დასავლეთ  საქართველოში - დროგამოშვებით ღრუბლიანობა მოიმატებს,   უმეტეს რაიონში  წვიმა და ელჭექია მოსალოდნელი.  დღისით ზოგან ძლიერი,  ღამით აღმოსავლეთის, დღისით დასავლეთის  ქარი 10-15 მ/წმ, ზოგან ძლიერი 17-22 მ/წმ.  ჰაერის  ტემპერატურა: დაბლობში ღამით  +12, +17°, დღისით  +15, +20°;  მთაში ღამით +8, +13°, დღისით +12,  +17°;  მაღალმთაში ღამით  +3, +8°, დღისით +9, +14°;  ზემო აფხაზეთში ღამით  +7, +12°, დღისით  +11, +16° იქნება.

აღმოსავლეთ საქართველოში - დროგამოშვებით ღრუბლიანობა  მოიმატებს.  ღამისა და დღის მეორე ნახევარში ხანმოკლე წვიმაა ელჭექით მოსალოდნელი.  დღისით დასავლეთის  ქარი 10-15 მ/წმ, ზოგან ძლიერი 17-22 მ/წმ დაუბერავს.  ჰაერის ტემპერატურა კი   ბარში ღამით +8, +13°, დღისით +17, +22°; მთაში ღამით +3, +8°,  დღისით  +14, +19°;  მაღალმთაში ღამით +1, +6°, ხოლო  დღისით +9, +14° იქნება.

რაც შეეხება, დედაქალაქს, აქაც დროგამოშვებით ღრუბლიანობა მოიმატებს. ღამისა და საღამოს საათებში ხანმოკლე წვიმა და ელჭექია მოსალოდნელი.   დღისით ჩრდილო-დასავლეთის  ქარი 10-15 მ/წმ, დროგამოშვებით ძლიერი 17-22 მ/წმ.  ჰაერის ტემპერატურა: ღამით +12°, დღისით +20°.

15 ოქტომბერი: დასავლეთ  საქართველოში - უმეტეს რაიონში  წვიმა და ელჭექია მოსალოდნელი. დასავლეთის  ქარი 10-15 მ/წმ.  ჰაერის  ტემპერატურა: დაბლობში ღამით  +8, +13°, დღისით  +13, +18°;  მთაში ღამით +4, +9°, დღისით +9,  +14°;  მაღალმთაში ღამით  +1, +6°, დღისით +5, +10°;  ზემო აფხაზეთში ღამით  +3, +8°, დღისით  +8, +13°.

აღმოსავლეთ საქართველოში - ზოგან ხანმოკლე წვიმა და ელჭექი, მაღალმთაში ზოგან თოვლი.  დასავლეთის  ქარი 10-15 მ/წმ, ზოგან ძლიერი 17-22 მ/წმ.  ჰაერის ტემპერატურა: ბარში ღამით +7, +12°, დღისით +15, +20°; მთაში ღამით +2, +7°,  დღისით  +10, +15°;  მაღალმთაში ღამით -2, +3°, დღისით +5, +10°.

თბილისში - დროგამოშვებით ღრუბლიანობა  მოიმატებს.  ღამით ხანმოკლე წვიმაა მოსალოდნელია.    ჩრდილო-დასავლეთის  ქარი 10-15 მ/წმ, დროგამოშვებით ძლიერი 17-22 მ/წმ.  ჰაერის ტემპერატურა კი ღამით +10°, დღისით +19° იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავთობკომპანიებმა აღიარეს, რომ ხარჯების მიუხედავად წმინდა მოგება 2.5-3%-ს აღწევს

კალაძემ მეგობარი პოლონეთი ქართული ტელევიზიის დაარსების გამო, ქართულ ეკლესიაზე შეტევაში დაადანაშაულა

Global Finance-მა გალტ & თაგარტი საქართველოში საუკეთესო საინვესტიციო ბანკად დაასახელა

არაბთა გაერთიანებული საამიროები საქართველოს განიხილავს, როგორც სტრატეგიულ პარტნიორს - მინისტრი საიდ ბინ მუბარაქ ალ ჰაჯერი