„ქართული ოცნების“ აღმასრულებელმა მდივანმა კიდევ ერთი საგანგებო ბრიფინგი გამართა, სადაც ყიზილაჯლოში მომხდარ მოვლენებთან დაკავშირებით საზოგადოებას ინფორმაცია მიაწოდა. 

როგორც კობახიძემ განმარტა, „ნაციონალური მოძრაობის“ აქტივისტებმა ყიზილაჯლოში 48-ე უბანთან „ქართული ოცნების“ აქტივისტებს დაუპირისპირდნენ და პროვოკაცია მოაწყეს. 

„ნაციონალური მოძრაობის“ 100-ზე მეტი აქტივისტი იყო მისული საარჩევნო უბანთან და მათ სცადეს ძალადობრივი ფორმით საარჩევნო უბნის ჩაშლა. როგორც ჩანს, მათი მიზანი იყო საარჩევნო ყუთის გატაცება. სამართალდამცავი ორგანოები მივიდნენ ადგილზე. „ნაციონალური მოძრაობის“ აქტივისტები ფიზიკურად დაუპირისპირდნენ როგორც ჩვენ აქტივისტებს ასევე სამართალდამცავი ორგანოების წარმომადგენლებს. მათ შორის ისინი ესროდნენ ქვებსაც. ეს ამ პარტიის ტრადიციული მეთოდია. აქტივისტები, განსაკუთრებული აგრესიულობით გამოირჩეოდნენ სამართალდამცველების მიმართ“, - განაცხადა კობახიძემ.

მისივე ინფორმაციით, დაპირისპირების შედეგად რამდენიმე სამართალდამცველია დაშავებული, მათ შორის მარნეულის პოლიციის უფროსი.

ცნობისთვის, სოფელ ყიზილაჯლოს 48-ე საარჩევნო უბანზე დაპირისპირება მოხდა.

არსებული ინფორმაციით, „ნაციონალური მოძრაობის“ აქტივისტები, ასევე პარტიის კანდიდატი „ქართული ოცნების“ მხარდამჭერებს დაუპირისპირდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა