„საერთაშორისო გამჭვირვალობა საქართველოს“ მონიტორინგის შედეგებით ამ ეტაპზე 70 მნიშვნელოვანი და ნაკლებად მნიშვნელოვანი დარღვევა დაფიქსირდა. 

როგორც არასამთავრობო სექტორში აცხადებენ, ორგანიზაციას სულ 9 საჩივარი აქვს დაწერილი.
 
„ზუგდიდში მე-18 უბანზე მოხდა ფიზიკური დაპირისპირება. ეს ის უბანია, რომელიც გვიან გაიხსნა და ვიტყოდი, რომ ამ უბანზე ბევრი პრობლემა არის. ასევე ზუგდიდში 31-ე უბანზე 12:00 საათზე გაცემული ბიულეტენების რაოდენობა არ დაითვალეს და სადემონსტრაციო ოქმი არ შეავსეს. 

ასევე ლაგოდეხში, ერთ-ერთ საარჩევნო უბანზე დუშეთის მაჟორიტარობის კანდიდატობისთვის განკუთვნილი ბიულეტენებით მიმდინარეობდა კენჭისყრა“, - აცხადებენ მესამე სექტორის წარმომადგენლები.

ორგანიზაციის წარმომადგენლის ინფორმაციით, საგარეჯოს ოლქში 38-ე, 39-ე, 44-ე, 48-ე უბნებზე კენჭისყრაზე მნიშვნელოვანი დარღვევები მიმდინარეობდა. 

„საუბნო საარჩევნო კომისიის წარმომადგენლები გამოირჩეოდნენ ძალიან დაბალი კვალიფიკაციით და ქართული ენის არ ცოდნით, რის გამოც შეიქმნა დაძაბულობა და მნიშვნელოვანი პრობლემები. 
გარდა ამისა, ნინო წმინდაში ოლქი 42-ე უბანზე ერთ-ერთმა დამკვირვებელმა ხმის მისაცემად მისულ ამომრჩეველს წაართვა ბიულეტენი, შემოხაზა შესაბამისი ნომერი და ცდილობდა ყუთში ჩაგდებას. შემდგომ მან ეს ვერ მოახერხა“, - განაცხადეს არასამტავრობო ორგანიზაციის წარმომადგენლებმა.
 
მათივე ცნობით, კიდევ ორი დარღვევა ქარელში 36-ე უბანზე და ასევე, ბათუმში მე-8 უბანზე დაფიქსირდა. 

​არსებული ინფორმაციით, ქარელში, ერთ-ერთ უბანზე კომისიამ მოქალაქეს მარკირების გარეშე ხმის მიცემის საშუალება მისცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა