იყო ერთგვარი გადაცდომა, რომ მე სამეგრელოში დევნილებს 100 ათას ბინას შევპირდი, საჯაროდ ასეთი განცხადება არ გამიკეთებია, - ასე უპასუხა საქართველოს ყოფილმა პრემიერ-მინისტრმა ბიძინა ივანიშვილმა ჟურნალისტის კითხვას სამეგრელოში დევნილებისთვის შეპირებული 100 ათასი ბინის გადაცემასთან დაკავშირებით.

ყოფილი პრემიერის თქმით, ახალი ხელისუფლება ყველაფერს აკეთებს იმისთვის, რომ დევნილების პრობლემები გადაჭრას, თუმცა 4 წელიწადში ყველა პრობლემის მოგვარება რთულია.

„სამეგრელოში სიტუაცია მართლაც ძალიან მძიმეა. ახალი ხელისუფლება ყველაფერს აკეთებს იმისთვის, რომ მათი პრობლემები გადაჭრას. მოგეხსენებათ, 1000-ზე მეტმა დევნილმა მიიღო ბინა, 400-ს დაეხმარნენ კოტეჯების ყიდვაში, ხოლო 4 ათასს საკუთრებაში გადაეცა. ის რაც ხდებოდა წინა ხელისუფლების დროს და ნიღბიანები ასახლებდნენ და ყრიდნენ დევნილებს სახლებიდან, ახლა ამ ადამიანებს ყველაფერი დაუკანონდათ. დევნილების რაოდენობა აგვისტოს ომის შემდეგ გაიზარდა, როცა ამდენი პრობლემა მოახვიეს თავს საქართველოს. მეგობარი ქვეყნების მიერ გამოყოფილი თანხა 4.5 მილიარდი, რომ დაეხარჯათ დევნილებზე აქამდე ეს პრობლემა მოგვარებული იქნებოდა“, - აღნიშნა ივანიშვილმა.

მისივე ინფორმაციით, დევნილებისთვის 26 კორპუსი შენდება და ამის შემდეგ სიტუაცია განიმუხტება.

„ზუგდიდში, ფოთში, წყალტუბოში შესაძლოა აშენდეს 3 სართულიანი სახლები, სადაც პირველ 2 სართულზე დევნილები შესახლდებიან, ბოლო სართულს კი სასტუმროს ბიზნესს მოხმარდება, რაც ასევე კარგია. დონორ კომპანიებთან ამ საკითხს ინტენსიურად განვიხილავთ და იმედი მაქვს ჩვენ დევნილებს მალე გაუუმჯობესდებათ პირობები“, - განაცხადა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყველაფერი პოლიციის შესახებ: გდდ-ის ხელმძღვანელმა რომან ქარცივაძემ თანამდებობა დატოვა

რეჟიმის პარლამენტში ფასების კომისიის ბოლო სხდომა გაიმართა, დასკვნა ხვალ გამოქვეყნდება

AI გენერირებული ტროლები დიუშენის სამკურნალო პრეპარატებზე რუსთავი 2-ის და ქალაქის მერის პოზიციებს იწონებენ

მომავლის აკადემია: TV იმედს ComCom-თან ისევ ვუჩივით, მოვითხოვთ პასუხისმგებლობის დაკისრებას