თურქეთის ხელისუფლებამ ქვეყანაში საგანგებო მდგომარეობის მოქმედების დროს ადამიანის უფლებათა ევროპული კონვენციის მოქმედება შეაჩერა.

ამის შესახებ ვიცე–პრემიერმა ნუმან ქურთულმუშმა განაცხადა.

მისივე თქმით, ხელისუფლება იმედოვნებს, რომ საგანგებო მდგომარეობა, რომელიც 3 თვით იქნა შემოღებული, თვენახევარში გაუქმდება.

შეგახსენებთ, რომ თურქეთში სამხედრო გადატრიალების მცდელობას 290-ზე მეტი ადამიანი ემსხვერპლა, 1 400-ზე მეტი კი დაშავებულია.

გადატრიალების მცდელობის შემდეგ თურქეთში 50 000-ზე მეტი ადამიანი დააკავეს, სამსახურიდან გაათავისუფლეს ან სამსახურეობრივი მოვალეობები შეუწყვიტეს. დაკავებულია 6 000 სამხედრო პირი, 9 000 სამართალდამცველი სამსახურიდან დათხოვილია, 3 000 ათასამდე მოსამართლეს კი, სამსახურეობრივი მოვალეობის შესრულება შეუწყდა. გარდა ამისა, გათავისუფლდა განათლების სფეროს 15 ათასზე მეტი თანამშრომელი, თანამდებობა დატოვეს უნივერსიტეტების დეკანებმაც.

თურქეთის ხელისუფლების განცხადებით, ყველა ეს ადამიანი აშშ-ში მცხოვრები სასულიერო პირის, ფეთჰულა გიულენის მხარდამჭერია, რომელსაც ანკარა გადატრიალების შესაძლო ორგანიზატორად მიიჩნევს. თავად გიულენი აღნიშნულ ბრალდებას უარყოფს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო