2016-07-10 10:43:43, 602 ნახვა
საზოგადოება
აჭარაში სტიქიის სალიკვიდაციო სამუშაოები მიმდინარეობს
აჭარის რეგიონში სტიქიის სალიკვიდაციო სამუშაოები ინტენსიურ რეჟიმში გრძელდება. ორი დღის წინ, ძლიერი წვიმის შედეგად, ჩაქვი-მახინჯაურის მარცხენა გვირაბთან, ორივე მხარეს ჩამოვიდა მიწა-კლდის მასა, რის გამოც ჩაიკეტა გვირაბის შესასვლელი და გამოსასვლელი. მოძრაობა რამდენიმე საათის მანძილზე ერთ სამოძრაო ზოლზე ხორციელდებოდა. ძლიერი წვიმისა და ქუჩების დატბორვის გამო ავტოტრანსპორტის მოძრაობა შეფერხებით მიმდინარეობდა ჩაქვში, მახინჯაურსა და ბათუში.
საქართველოს რეგიონული განვითარებისა და ინფრასტრუქტურის სამინისტროს შესაბამისი სამსახურების მუშაობის შედეგად, ჩაქვი-მახინჯაურის გვირაბში მოძრაობის აღდგენა მალე მოხერხდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
