2016-07-09 12:39:35, 719 ნახვა
საზოგადოება
მარტვილში მდინარემ დაღუპული მაშველის ცხედარი გამორიყა
მარტვილის რაიონის სოფელ ბანძაში, მდინარე აბაშისწყალში დაღუპული მაშველის, ელგუჯა ჯამრიშვილის ცხედარი იპოვეს.
როგორც "ექსპრესნიუსს" შსს-ს საგანგებო სიტუაციების მართვის სააგენტოში განუცხადეს, მაშველებმა მყვინთავის ცხედარი მდინარიდან უკვე ამოიყვანეს.
შეგახსენებთ, რომ უბედური შემთხვევა მარტვილში 3 დღის წინ მოხდა. სააგენტოს ინფორმაციით, ოჯახის წევრებმა შსს-სთან შეუთანხმებლად, სამძებრო სამუშაოებში მყვინთავი ჩართეს. ელგუჯა ჯამრიშვილი 17 წლის ბიჭის გადარჩენას ცდილობდა, რა დროსაც თავად დაიღუპა.
ბიჭის ცხედარი მდინარემ გუშინ გამორიყა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
