2016-06-22 19:37:42, 697 ნახვა
პოლიტიკა
პარლამენტმა პარტიებისთვის წინასაარჩევნო ქცევის კოდექსი მიიღო
87 ხმით არცერთის წინააღმდეგ - პარლამენტმა ,,თავისუფალი დემოკრატების“ მიერ ინიცირებული წინასაარჩევნო ეთიკის კოდექსი დაამტკიცა.
პარლამენტის თავმჯდომარის, დავით უსუფაშვილის განცხადებით, აღნიშნულ საკითხზე კონსულტაციები უმცირესობის დეპუტატებთანაც შედგა.
,,მათთან ამ თემაზე კომუნიკაცია იყო და იმედია ამ დოკუმენტს შემოუერთდებიან“, - განაცხადა უსუფაშვილმა.
კოდექსის ინიციატორის განმარტებით, მათ მიერ შემუშავებული კოდექსი სიძულვილის ენის აღმოფხვრას და წინასაარჩევნო პერიოდში მუშაობის კონსტრუქციულ რეჟიმს უზრუნველყოფს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
