2016-06-11 10:53:42, 1064 ნახვა

---

შსს პროგრამის - „შენი გულისთვის, შენი უსაფრთხოებისთვის“ ფარგლებში საინფორმაციო კამპანიას აგრძელებს

შინაგან საქმეთა სამინისტრო, საგზაო მოძრაობის უსაფრთხოების პროგრამის - „შენი გულისთვის, შენი უსაფრთხოებისთვის“ ფარგლებში, ფართომასშტაბიან საინფორმაციო კამპანიას აგრძელებს. კამპანიას „Gulf Georgia“ და სხვადასხვა რეგიონის უმაღლესი სასწავლებლის სტუდენტები შეუერთდნენ.

შსს-ს ინფორმაციით, სტუდენტებმა უწყების მიერ საგზაო მოძრაობის უსაფრთხოების კამპანიის ფარგლებში დამზადებული სტიკერები კომპანია „Gulf“-ის ავტოგასამართ სადგურებსა და მასთან მდებარე „Gulf Store“-ის ობიექტებში განათავსეს. სტიკერები ავტოგასამართ სადგურებში შემოსულ მძღოლებსაც დაურიგდათ, რომელთაც სტუდენტებმა შს სამინისტროს კამპანიაში ჩართვისა და საგზაო მოძრაობის უსაფრთხოების წესების დაცვისკენ მოუწოდეს.

შსს-ს საგზაო მოძრაობის უსაფრთხოების კამპანიის მიზანი ავტოსაგზაო შემთხვევების პრევენცია და ამ მიზნით საზოგადოების ცნობიერების ამაღლებაა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი