სოფლის მეურნეობის მინისტრმა, ოთარ დანელიამ, ქუთაისის მერმა  შოთა მურღულიამ  და იმერეთის გუბერნატორის პირველმა მოადგილემ, პაატა ნადირაძემ  სურსათის ეროვნული სააგენტოს და სოფლის მეურნეობის სამინისტროს ლაბორატორიის იმერეთის რეგიონული ოფისები დაათვალიერეს, სამუშაო პროცესს ადგილზე გაეცნენ და თანამშრომლებს შეხვდნენ.

როგორც „ექსპრესნიუსს“ სოფლის მეურნეობის სამინისტროდან აცნობეს, შეხვედრაზე ყურადღება გაამახვილეს სამომხმარებლო ბაზრის კონტროლის მნიშვნელობაზე, რაც ტურისტული სეზონის მოახლოებასთან ერთად მეტად აქტუალური ხდება.

უწყების ინფორმაციით, თანამედროვე აპარატურით აღჭურვილი ქუთაისის რეგიონული ლაბორატორია  ცხოველთა დაავადებების პირველად და დამადასტურებელ დიაგნოსტიკას ახორციელებს.    ტარდება  კვლევები როგორც მცენარეთა დაავადებების დიაგნოსტიკის,  ისე სურსათის კვლევის მიმართულებითაც. უკვე დანერგილია და აქტიურად მიმდინარეობს ფუტკრის დაავადებების კვლევაც.

2015 წლიდან ქუთაისის ზონალურ-დიაგნოსტიკური ლაბორატორია ISO 17025 საერთაშორისო აკრედიტაციას ფლობს. ამჟამად ლაბორატორიაში  11 სპეციალისტია დასაქმებული;

ქუთაისში, სურსათის ეროვნული სააგენტოს  იმერეთის რეგიონული ოფისის ახალი  შენობა 2015 წელს გაიხსნა, სადაც 46 ადგილობრივი სპეციალისტი დასაქმდა. რეგიონის მასშტაბით სააგენტოს სპეციალისტები სურსათის უვნებლობის სახელმწიფო კონტროლს, ვეტერინარული კეთილსაიმედოობის კუთხით  ცხოველთა ვაქცინაციებს (დაავადებებზე -ცოფი, თურქული, ცხვრის და თხის ყვავილი, ნოდულარული დერმატიტი) ახორციელებენ. ტუპერკულოზზე და ბრუცელოზზე ტარდება სისხლის ნიმუშების გამოკვლევა.  სურსათის ეროვნული სააგენტო მთელი ქვეყნის მასშტაბით ახორციელებს სამომხმარებლო ბაზრის კონტროლს, სკოლებისა და საბავშვო ბაღების კვების ბლოკების შემოწმებას, ასევე იმერეთის რეგიონში მდებარე ცხოველთა 13 სასაკლაოს მონიტორინგს. სასაკლაოებში დანერგილია HACCP-ის (საფრთხის ანალიზისა და კრიტიკული საკონტროლო წერტილები) სისტემა, რაც ზრდის მომხმარებლის ნდობას წარმოებული სურსათისადმი და მნიშვნელოვანი წინგადადგმული ნაბიჯია ევროკავშირთან დასაახლოებლად.

„მნიშვნელოვანია სამომხმარებლო ბაზრის და სწრაფი კვების ობიექტების მონიტორინგი, რასაც სურსათის ეროვნული სააგენტოს წარმომადგენლები ინტენსიურად ახორციელებენ. რეგიონში აქტიურად მიმდინარეობს საბავშვო ბაღებისა და სკოლების კვების ბლოკების კონტროლი. ადგილობრივ ხელისუფლებასთან აქტიური თანამშრომლობის შედეგად სკოლამდელ დაწესებულებებში უკვე ჩატარდა სარეაბილიტაციო სამუშაოები და დღეისათვის იქ არსებული კვების ბლოკების უმრავლესობა დადგენილ სტანდარტებს აკმაყოფილებს“, - განაცხადა ოთარ დანელიამ.

მიმდინარე წელს, იმერეთის რეგიონში სურსათის ეროვნული სააგენტოს მიერ ინსპექტირებულია 232 სკოლისა და სასკოლო დაწესებულების კვების ბლოკები.  სააგენტოს სპეციალისტებმა გასცეს 440 ფიტოსანიტარიული სერტიფიკატი, მათ შორის 225 - მწვანილზე. რაც ადგილობრივი პროდუქციის ექსპორტის  მოზულობის ზრდაზე მეტყველებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა