2016-04-08 13:20:56, 492 ნახვა
საზოგადოება
დიმიტრი ქუმსიშვილი: 144 დევნილ ოჯახს ბინები საკუთრებაში გადაეცემა
საქართველოს სხვადასხვა რეგიონებში 144 დევნილ ოჯახს ბინები საკუთრებაში გადაეცემა,-ამის შესახებ ეკონომიკის მინისტრმა დიმიტრი ქუმსიშვილმა მთავრობის სხდომის დასრულების შემდეგ ჟურნალისტებს განუცხადა.
მისივე განმარტებით, ბოლო სამი წლის განმავლობაში, ბინა 11 000-ზე მეტ დევნილ ოჯახს გადაეცა.
„144 ოჯახს ბინები გადაეცემათ. ეს არის თბილისში, ბათუმში, ფოთში, გორში, ზუგდიდსა და სხვადასხვა მუნიციპალიტეტებში. ჩვენ ტრადიციულად გადავცემთ დევნილ მოსახლეობას აღნიშნულ ქონებას. ბოლო სამი წლის განმავლობაში, 11 000-ზე მეტი დევნილი ოჯახი დაკმაყოფილდა“,- განაცხადა დიმიტრი ქუმსიშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
