„ის ფაქტი, რომ ეკონომიკის მინისტრი ანაკლიის პორტის საკითხის გადასაჭრელად ჩინეთში გაემგზავრა, მხოლოდ ერთ რამეს ნიშნავს: რომ ამერიკელებმა „ქართული ოცნებისგან“ ლოგისტიკური და გეოსტრატეგიული თანამშრომლობის ღია და მკაფიო უარყოფა მიიღეს“, - განაცხადა „კოალიცია ცვლილებებისთვის“ ლიდერმა ნიკა გვარამიამ. ოპოზიციის ლიდერმა სოციალურ მედიაში დაწერა:

„ქართული ოცნების“ პასუხი, როგორც ეს ჭეშმარიტად პრორუსული რეჟიმისგან იყო მოსალოდნელი, არის „არა“ და ეს პასუხი ნიშნავს საქართველოს კეთილდღეობის, უსაფრთხოებისა და დაცულობის, ასევე დემოკრატიის უარყოფას. ეს არის საქართველოს საუკეთესო ინტერესებისა და მისი ნათელი მომავლის უარყოფა.

მიუღებელია, რომ საქართველოს მომავალი რუსეთმა მიითვისოს, თუნდაც ჩინელების ხელით. აბსოლუტურად არა! განსაკუთრებით იმის გათვალისწინებით, თუ რა პირობები დააწესა მტაცებელმა ჩინურმა სახელმწიფო საკუთრებაში არსებულმა კომპანიამ - თავისუფალი ეკონომიკური ზონა და საქართველოს სახელმწიფო წილის 51%-იანი შეძენა ჩინეთის მოთხოვნით. ცხადი ხდება, რომ სრული გეოპოლიტიკური კატასტროფის წინაშე ვდგავართ“, - განაცხადა გვარამიამ.

ავტორი: ექსპრესნიუსი,

სოციალური ქსელები

შსს: ხორავას ქუჩაზე 4 პირი დაჭრეს, ერთ-ერთი არასრულწლოვანი კლინიკაში გარდაიცვალა

იუმორისტ ონისე ოქრიაშვილს სახლთან 3 პირი ფიზიკურად გაუსწორდა

თბილისში, ვერაზე სროლა იყო - არსებული ინფორმაციით, დაჭრილია 3 ახალგაზრდა

ოლიგარქის სასამართლომ ევროკავშირისა და დასავლელი დიპლომატებისთვის „საბოტაჟის“ საქმეზე დასწრება აკრძალა